ପୁରୀ (ଏଟଆର ବ୍ୟୁରୋ) ଦୀର୍ଘ ଦିନ ପରେ ଏବେ ଶ୍ରୀମନ୍ଦିରରେ ମହାପ୍ରଭୁଙ୍କୁ ଦର୍ଶନ କରିବାର ସୁଯୋଗ ପାଇଛନ୍ତି ଶ୍ରଦ୍ଧାଳୁ । କାଳିଆ ନିକଟରେ କୃପା ଭିକ୍ଷା କରିବା ପାଇଁ ଦୂରଦୁରାନ୍ତରୁ ଧାଇଁ ଆସୁଛନ୍ତି ଭକ୍ତ । କିନ୍ତୁ ଆଜିଠୁ ୩ ଦିନ ବନ୍ଦ ରହିବ ଶ୍ରୀମନ୍ଦିର । ଶନିବାର ଏବଂ ରବିବାର ଦୁଇଦିନ ସପ୍ତାହନ୍ତ ସଟଡାଉନ ଏବଂ ସୋମବାର ଜନ୍ମାଷ୍ଟମୀ । ଏହି ଅବସରରେ ଶ୍ରୀମନ୍ଦିର ବନ୍ଦ ରହିବ ବୋଲି ଶ୍ରୀମନ୍ଦିର ପ୍ରଶାସନ ପକ୍ଷରୁ ଘୋଷଣା କରାଯାଇଛି ।
ଭକ୍ତଙ୍କ ପାଇଁ ଶ୍ରୀମନ୍ଦିର ଖୋଲିବା ପରେ ଭକ୍ତଙ୍କ ସଂଖ୍ୟା ଦିନକୁ ଦିନ ବଢି ଚାଲିଛି । ହଜାର ହଜାର ଭକ୍ତ ଆସି ମହାପ୍ରଙ୍କ ଦର୍ଶନ କରୁଛନ୍ତି । ଗତ ଦୁଇ ଦିନ ମଧ୍ୟରେ ୨୧ ହଜାର ୨୦୦ ଭକ୍ତ ମହାପ୍ରଭୁଙ୍କ ଦର୍ଶନ କରିଥିବା ବେଳେ ଶ୍ରୀମନ୍ଦିର ହୁଣ୍ଡିର ଆୟ ମଧ୍ୟ ବୃଦ୍ଧି ହୋଇଛି । ଅଗଷ୍ଟ ୨୬ ଏବଂ ୨୭ ରେ ଶ୍ରୀମନ୍ଦିର ହୁଣ୍ଡିକୁ ୬ ଲକ୍ଷ ଟଙ୍କା ଦାନ ଦେଇଛନ୍ତି ଭକ୍ତ ।
