ବ୍ରହ୍ମଗିରି (ଏଟିଆର ବ୍ୟୁରୋ): ଶ୍ରୀଜୀଉଙ୍କ ଅଣସର ସମୟରେ ଦର୍ଶନ ଦେଉଛନ୍ତି ବ୍ରହ୍ମଗିରି ସ୍ଥିତି ଅଲାରନାଥ ମହାପ୍ରଭୁ । ପଞ୍ଚମଦିନରେ ଅଲାରନାଥ ପୀଠରେ ଲାଗିଛି ଭକ୍ତଙ୍କ ଲମ୍ବା ଲାଇନ । ରାଜ୍ୟ ତଥା ରାଜ୍ୟ ବାହାରୁ ଛୁଟିଛି ଭକ୍ତଙ୍କ ଶୁଅ । ଶିଳାବ୍ରହ୍ମଙ୍କୁ ଦର୍ଶନ କରି ଶ୍ରୀଜଗନ୍ନାଥ ଦର୍ଶନର ପୂଣ୍ୟ ଅର୍ଜନ କରୁଛନ୍ତି ଭକ୍ତ । ଶ୍ରୀଜିଉଙ୍କ ଦର୍ଶନରୁ ବଞ୍ଚିତ ହୋଇ ଅଲାରନାଥରେ ଶିଳା ବ୍ରହ୍ମଚତୁର୍ଭୁଜ ନାରାୟଣଙ୍କୁ ଦର୍ଶନ କରୁଛନ୍ତି ଭକ୍ତ ।
ଭୋର ୪ଟାରୁ ଦ୍ୱାର ଫିଟା ନୀତି ଶେଷ ହେବା ପରେ ମଙ୍ଗଳ ଆଳତୀ ,ତଡପଲାଗି, ହେବା ପରେ ଭୋର ୫ଟାରେ ଗୋପାଳବଲ୍ଲଭ ଶେଷ ହୋଇ ଆରମ୍ଭ ହୋଇଛି ସର୍ବସାଧାରଣ ଦର୍ଶନ ।
