ନୂଆଦିଲ୍ଲୀ (ଏଟିଆର ବ୍ୟୁରୋ): ଆସନ୍ତାକାଲିଠୁ ଆରମ୍ଭ ହେବାକୁ ଯାଉଛି ଅମରନାଥ ଯାତ୍ରା । ଗୁମ୍ପା ଭିତରୁ ଦିବ୍ୟ ଦର୍ଶନ ଦେବେ ଦେବ ଦେବ ମହାଦେବ । ହିନ୍ଦୁ ଧର୍ମରେ ଅମରନାଥ ଯାତ୍ରାର ଖୁବ୍ ମହତ୍ୱ ରହିଛି । ବହୁଳ ମାତ୍ରାରେ ଶ୍ରଦ୍ଧାଳୁ ବାବା ବର୍ଫାନିଙ୍କୁ ଦର୍ଶନ କରିବା ଲାଗି ଏହି ଯାତ୍ରାରେ ବାହାରିଥାନ୍ତି ।
ଦୁଇ ମାସ ଧରି ଚାଲିବାକୁ ଥିବା ଅମରନାଥ ଯାତ୍ରା ଜୁଲାଇ ୧ ରୁ ଆରମ୍ଭ ହୋଇ ୩୧ ଅଗଷ୍ଟ ଯାଏଁ ଚାଲିବ । ଏହି ଯାତ୍ରା ପାଇଁ ୧୭ ଏପ୍ରିଲ ୨୦୧୭ ରୁ ଉଭୟ ଅନଲାଇନ୍ ଓ ଅଫଲାଇନ ରେ ପଞ୍ଜିକରଣ କରାଯାଇଥିଲା ।
