ଭୁବନେଶ୍ୱର (ଏଟିଆର ବ୍ୟୁରୋ): ଭାଇ ଭଉଣୀର ସମ୍ପର୍କ ଏକ ପବିତ୍ର ସମ୍ପର୍କ । ଯେଉଁ ସମ୍ପର୍କକୁ ନାଁ କେବେ ଭୁଲି ହୁଏ ନାଁ କେବେ ଭୁଲାଇ ହୁଏ । ଭାଇ ଟିଏ ଯେତେ ଦୁରରେ ଥାଉ ନା କାହିଁକି ସେ ସବୁବେଳେ ରହିଥାଏ ତା ଭଉଣୀର ହୃଦୟରେ । ଆଜି ହେଉଛି ସେଇ ସେଇ ଭାଇ – ଭଉଣୀ ସମ୍ପର୍କର ପର୍ବ ‘ଭାଇ ଦୁଜ’ । କାର୍ତ୍ତିକ ମାସ ଶୁକ୍ଳପକ୍ଷ ଦ୍ୱିତୀୟା ତିଥିରେ ଅର୍ଥାତ ଦୀପାବଳିର ଦୁଇ ଦିନ ପରେ ପାଳନ କରାଯାଏ ‘ଭାଇ ଦୁଜ’ । ଭଉଣୀ ଛୋଟ ହେଉ କି ବଡ ହେଉ , ପାଖରେ ଥାଉ କି ଦୂରରେ ଥାଉ ସେ ସବୁ ବେଳେ ତା ଭାଇର ଶୁଭ ମନାସିବା ସହ ଦୀର୍ଘ ଜୀବନ କାମନା କରିଥାଏ । ଏହି ପର୍ବଟି ଭାଇ ଭଉଣୀଙ୍କ ମଧ୍ୟରେ ଥିବା ଅଟୁତ ଭଲ ପାଇବା ଓ ବିଶ୍ୱାସର ପ୍ରତୀକ ଅଟେ । ରାକ୍ଷୀପୂର୍ଣ୍ଣିମା ପରି ଏହି ପର୍ବ ପାଳନର ମଧ୍ୟ ସ୍ୱତନ୍ତ୍ର ରୀତିନୀତି ରହିଛି । ଭଉଣୀ ଭାଇର ମୁଣ୍ଡରେ ତୀଳକ ଲଗାଇବା ସହ ତାର ବନ୍ଦାପନା କରିଥାଏ । । ଉଭୟ ଉଭୟକୁ ମିଠା ଖୁଆଇ ତାଙ୍କ ମଧ୍ୟରେ ଥିବା ସମ୍ପର୍କକୁ ଆହୁରି ସୁମଧୁର କରିଥାନ୍ତି । ଭାଇର ଦୀର୍ଘ୍ର ଆୟୂଷ , ସୁସ୍ଥ ଶରୀର , ସୁଖ ସମୃଦ୍ଧି କାମନା କରି ଭଉଣୀଟିଏ ଭାଇପାଇଁ ଏହି ପର୍ବ ପାଳନ କରିଥାଏ । ଭାଇ ସହ ବର୍ଷ ତମାମ ଯେତେ ଝଗଡା ହେଇଥାଉନା କାହିଁକି ଏହି ପର୍ବରେ ଭଉଣୀଟି ସବୁ ଭୁଲି ଯାଇ ତା ଭାଇର ଶୁଭ କାମନା କରିଥାଏ ।
