ଭୁବନେଶ୍ୱର (ଏଟିଆର ବ୍ୟୁରୋ): ଆସନ୍ତାକାଲିଠୁ ଅର୍ଥାତ ଏପ୍ରିଲ ୨ ତାରିଖରୁ ଆରମ୍ଭ ହେବାକୁ ଯାଉଛି ଚୈତ୍ର ନବରାତ୍ରୀ । ଏହା ଏପ୍ରିଲ ୧୦ ପର୍ଯ୍ୟନ୍ତ ଚାଲିବ । ଏହି ଅବସରରେ ସାରା ଦେଶରେ ଦେବୀ ଦୁର୍ଗାଙ୍କର ୯ ଟି ସ୍ୱରୂପକୁ ପୂଜା କରାଯିବ । ମାନ୍ୟତା ରହିଛି ନବରାତ୍ରୀରେ ମା ଦୁର୍ଗାଙ୍କ ୯ ଟି ସ୍ୱରୂପକୁ ପୂଜା କରିବା ଦ୍ୱାରା ସ୍ୱତନ୍ତ୍ର ଭାବେ ମାଙ୍କ କୃପା ଲାଭ ହୋଇଥାଏ ।
ନବରାତ୍ରୀରେ ଘରେ ଘଟସ୍ଥାପନା ବା କଳଶ ସ୍ଥାପନା କରାଯାଇଥାଏ । ଏଥରକ ଚୈତ୍ର ନବରାତ୍ରୀର ଘଟ ସ୍ଥାପନା ର ଶୁଭ ମୁହୂର୍ତ୍ତ ଏପ୍ରିଲ ୨ ଶନିବାର ସକାଳ ୬ଟା ୩ ମିନିଟ୍ ରୁ ଆରମ୍ଭ ହୋଇ ୮ଟା ୩୧ ମିନିଟ୍ ପର୍ଯ୍ୟନ୍ତ ରହିବ । ଯଦି କୌଣସି ବ୍ୟକ୍ତି ଏହି ସମୟରେ ଘଟ ସ୍ଥାପନା କରି ପାରୁ ନାହାନ୍ତି ତେବେ ୧୧ ଟା ୪୮ ରୁ ୧୨ ଟା ୩୭ ପର୍ଯ୍ୟନ୍ତ କଳଶ ସ୍ଥାପନା କରିପାରିବେ ।
