ପୁରୀ (ଏଟିଆର ବ୍ୟୁରୋ): ଶ୍ରୀକ୍ଷେତ୍ରରେ ଅନୁଷ୍ଠିତ ହେବ ଶ୍ରୀଜିଉଙ୍କର ଚନ୍ଦନ ଯାତ୍ରା । ଏନେଇ ଚୁଡାନ୍ତ ପର୍ଯ୍ୟାୟରେ ପହଁଚିଛି ପ୍ରସ୍ତୁତି । କିନ୍ତୁ କରୋନା ମାମଲା ବୃଦ୍ଧି ମଧ୍ୟରେ କିଭଳି ମହାପ୍ରଭୁଙ୍କର ହେବ ବାହାର ଚନ୍ଦନ ଯାତ୍ରା । ସେଥିପାଇଁ ଆଜି ବସୁଛି ଛତିଶା ନିଯୋଗ ବୈଠକ । ଏହି ବୈଠକରେ ନିଷ୍ପତି ନିଆଯିବ କିଭଳି ହେବ ଚନ୍ଦନ ଯାତ୍ରା । ସେହିପରି ଚନ୍ଦନଯାତ୍ରାରେ କେତେ ଜଣ ସେବାୟତ ସାମିଳ ହେବେ ସେନେଇ ବିଚାରବିମର୍ଶ ହେବ ।
ଆସନ୍ତା ୧୫ ତାରିଖରେ ଆରମ୍ଭ ହେବ ଶ୍ରୀଜିଉଙ୍କର ବାହାର ଚନ୍ଦନ ଯାତ୍ରା । ୨୧ ଦିନ ଯାଏଁ ଚାଲିବ ମହାପ୍ରଭୁଙ୍କ ବାହାର ଚନ୍ଦ ଯାତ୍ରା । ଏହି ଯାତ୍ରା ଶେଷ ହେବା ପରେ ଶ୍ରୀମନ୍ଦିରରେ ହେବ ମହାପ୍ରଭୁଙ୍କ ଭିତର ଚନ୍ଦନ ଯାତ୍ରା ।
