ଭୁବନେଶ୍ୱର (ଏଟିଆର ବ୍ୟୁରୋ): ଶନି ଦେବଙ୍କ ନାଁ ଶୁଣିଲା ମାତ୍ରେ ଲୋକମାନଙ୍କ ମନରେ ଛାନିଆ ପଶି ଯାଇଥାଏ । ଯେଉଁ ବ୍ୟକ୍ତିଙ୍କର ଜାତକରେ ଶନିମହାଦଶା ଏବଂ ସାଢେଶତୀ ଶନି ଚାଲିଥାଏ । ସେମାନଙ୍କ ଜୀବନରେ ଅନେକ ସମସ୍ୟା ଦେଖା ଦେଇଥାଏ । ଶନିଦେବଙ୍କ ସହ ଜଡିତ ବିଭିନ୍ନ ପ୍ରକାରର ସଂକେତ ରହିଛି । ସେଥି ମଧ୍ୟରୁ ଗୋଟେ ସଂକେତ ହେଉଛି ଯଦି ଶନିବାର ଦିନ ଆପଣଙ୍କର ଜୋତା କିମ୍ବା ଚପଲ ଚୋରି ହେଉଛି । ତା’ର ଅର୍ଥ ହେଉଛି ଶୁଭ ସଂକେତ ।
ଯଦି ଆପଣଙ୍କ ସହିତ ଏଭଳି ହେଉଛି ତେବେ ବିଲକୁଲ ମନ ଦୁଃଖ କରନ୍ତୁ ନାହିଁ । ଏହାଦ୍ୱାରା ଆପଣଙ୍କ ଜୀବନରେ ଖୁସି ଆସିପାରେ । ଯଦି କୌଣସି ବ୍ୟକ୍ତିଙ୍କ ଜାତକରେ ଶନିଦଶା ଅଛି ,ତେବେ ତାଙ୍କୁ ବିଭିନ୍ନ ସମସ୍ୟାର ସମ୍ମୁଖୀନ ହେବାକୁ ପଡିବ ।
ଜ୍ୟୋତିଷ ଶାସ୍ତ୍ର ଅନୁସାରେ ଗ୍ରହମାନେ ମଣିଷ ଶରୀରର ପ୍ରତ୍ୟେକ ଅଙ୍ଗରେ ବାସ କରିଥାନ୍ତି । ସେହିଭଳି ଚମଡାରେ ତିଆରି ହୋଇଥିବା ଚପଲ ଏବଂ ପାଦରେ ଶନିିଙ୍କର ବାସ ସ୍ଥାନ ବୋଲି କୁହାଯାଇଥାଏ । ଯଦି ଶନିବାର ଦିନ କୌଣସି ବ୍ୟକ୍ତିଙ୍କ ଜୋତା କିମ୍ବା ଚପଲ ହଜି ଯାଉଛି,ତେବେ ତାହାକୁ ଶୁଭ ସଂକେତ ବୋଲି କୁହା ଯାଇଥାଏ । ଏବଂ ଏହାପରେ ସମସ୍ୟା ଦୂର ହେବାରେ ଲାଗିଥାଏ । ସେଥିପାଇଁ ଅନେକ ଲୋକ ଜାଣି ଶୁଣି ମନ୍ଦିରରେ ଚପଲ ଛାଡି ପଳାଇ ଆସିଥାନ୍ତି ।
