ଭୁବନେଶ୍ୱର (ଏଟିଆର ବ୍ୟୁରୋ): ଶନିବାର ଭଗବାନ ଶନିଙ୍କୁ ସମର୍ପିତ କରାଯାଇଛି । ଏହିଦିନ ଶନିଦେବଙ୍କ ପୂଜାର୍ଚ୍ଚନା କରିବା ଦ୍ୱାରା ବିଶେଷ ଫଳ ପ୍ରାପ୍ତି ହୋଇଥାଏ । ଶନିଦେବଙ୍କ ପ୍ରିୟ ହେଉଛି କଳା ରଙ୍ଗ । ଯଦି ଶନିବାର ବ୍ୟକ୍ତିଙ୍କୁ କଳା ରଙ୍ଗର ଜିନିଷ ଦେଖିବାକୁ ମିଳେ ତେବେ ଶୁଭ ଫଳ ପ୍ରାପ୍ତି ହୋଇଥାଏ ।
ଶନିବାର ଯଦି କାଉ ଦେଖନ୍ତି ତେବେ ଏହା ବୁତ ଶୁଭ । ସେହିପରି କାଉ ଘରର ବାହାରେ ପାଣି ପିଉଥିବାର ଦୃଶ୍ୟମାନ ହୁଏ ତେବେ ଏହାର ଅର୍ଥ ଆପଣଙ୍କୁ ବହୁତ ଶୀଘ୍ର କୌଣସି ଶୁଭ ଖବର ମିଳିବ । ଏହାସହିତ ଶନିବାର ଛାତ ଉପରେ କାଉ ବସିଥିବାର ଦେଖିବା ଶୁଭ ସଂକେତ ।
ଶନିବାର ଯଦି ଆପଣ କୌଣସି କାମରେ ବାହାରିଲା ବେଳେ ରାସ୍ତାରେ କଳା ଗାଇ ଦେଖନ୍ତି ତେବେ ଏହାର ଅର୍ଥ ଯେଉଁ କାମରେ ଯାଉଛନ୍ତି ତାହା ପୁରା ହେବ । ସେହିପରି ଶନିବାର ଦୁଆର ମୁହଁରେ କଳା ଗାଇ ଦେଖିବା ଅର୍ଥ ଜୀବନରେ ଥିବା ସମସ୍ତ ସମସ୍ୟା ଦୂର ହୋଇପାରେ ।
ସେହିପରି ଶନିବାର ଯଦି କୌଣସି ନିର୍ଦ୍ଧନ ବ୍ୟକ୍ତି ଆପଣଙ୍କ ଦୁଆରକୁ ଆସନ୍ତି ତେବେ ଏହା ଶୁଭ ସଂକେତ । ସେହି ଗରିବ ବ୍ୟକ୍ତିଙ୍କୁ ଜରୁରୀ ଜିନିଷ ଦାନ କରନ୍ତୁ । ଶନିଦେବଙ୍କ ଦୟା ଦୃଷ୍ଟି ଆପଣଙ୍କ ଉପରେ ରହିବ ।
