ପୁରୀ (ଏଟିଆର ବ୍ୟୁରୋ): ଆରମ୍ଭ ହୋଇଯାଇଛି ଧର୍ମ ମାସ କାର୍ତ୍ତିକ । ଆଜିଠୁ ଶ୍ରୀକ୍ଷେତ୍ରରେ ହବିଷ୍ୟାଳିମାନଙ୍କର କାର୍ତ୍ତିକ ବ୍ରତ ଆରମ୍ଭ ହୋଇଛି । ହବିଷ୍ୟାଳିମାନେ ସଂକଳ୍ପ ହୋଇ ବ୍ରତ ପୂଜା ଆରମ୍ଭ କରିଦେଇଛନ୍ତି । ସେହିପରି ଶ୍ରୀମନ୍ଦିରରେ ମଧ୍ୟ କାର୍ତ୍ତିକ ନୀତି ଆରମ୍ଭ ହୋଇଛି । ରାଇଦାମୋଦର ବେଶରେ ଦର୍ଶନ ଦେଉଛନ୍ତି ମହାପ୍ରଭୁ ।
ମାତ୍ର ଚଳିତବର୍ଷ କରାନା କଟକଣା ପାଇଁ ଶ୍ରୀମନ୍ଦିର ଭିତରକୁ ସାଧାରଣ ଭକ୍ତଙ୍କ ପ୍ରବେଶ ନିଷେଧ ରହିଛି । କାର୍ତ୍ତିକ ମାସରେ ମହାପ୍ରଭୁଙ୍କ ଦର୍ଶନ କରି ପାରୁ ନାହାନ୍ତି ଭକ୍ତ । ଦୂରରୁ ପତିପପାବନଙ୍କୁ ଦର୍ଶନ କରି ଦୁଃଖ ଜଣାଉଛନ୍ତି ଭକ୍ତ । ସେହିପରି ଶ୍ରୀକ୍ଷେତ୍ରକୁ ଚଳିତବର୍ଷ ହବିଷ୍ୟାଳିଙ୍କୁ ନଆସିବା ପାଇଁ ପ୍ରଶାସନ ପକ୍ଷରୁ କୁହାଯାଇଛି । ଅନ୍ୟପଟେ କାର୍ତ୍ତିକ ମାସରେ ସମସ୍ତ ଭକ୍ତ ମହାପ୍ରସାଦ ପାଇବା ପାଇଁ ଉତ୍ତର ଏବଂ ଦକ୍ଷୀଣ ଦ୍ୱାରରେ ସ୍ୱତନ୍ତ୍ର କାଉଣ୍ଟର କରି ଅଭଡା ବିକ୍ରି କରାଯାଉଛି । ସାମାଜିକ ଦୂରତା ରକ୍ଷା କରି କାଉଣ୍ଟରରୁ ଅଭଡା ନେବାର ବ୍ୟବସ୍ଥା କରାଯାଇଛି ।
