ଭୁବନେଶ୍ୱର (ଏଟିଆର ବ୍ୟୁରୋ); ଦୁର୍ଗତୀନାଶିନୀ ମା’ ଦୁର୍ଗାଙ୍କର ଆଜି ମହାଷଷ୍ଠୀ ପୂଜା । ଆଜି ମଣ୍ଡପରେ ପୂଜା ପାଇବେ ମା’ ଦୁର୍ଗା । ଏଥିପାଇଁ ପୂଜା ମଣ୍ଡପ ଗୁଡିକରେ ସମସ୍ତ ପ୍ରସ୍ତୁତି ଶେଷ ପର୍ଯ୍ୟାୟରେ ପହଁଚିଛି । କୋଭିଟ କଟକଣା ଭିତରେ ଅନୁଷ୍ଠିତ ହେବ ମା ଜଗତଜନନୀଙ୍କ ରୀତିନୀତି । ବିଧିଅନୁଯାୟୀ ଆଜି ମା’ଙ୍କର ବେଲ ବରଣୀ ନୀତି ଅନୁଷ୍ଠିତ ହେବ ।
ମାତ୍ର ଚଳିତବର୍ଷ କୋଭିଡ କଟକଣା ପାଇଁ ମା’ଙ୍କୁ ସିଧାସଳଖ ଦର୍ଶନ କରି ପାରିବେ ନାହିଁ ଭକ୍ତ । ମା’ଙ୍କ ସମସ୍ତ ରୀତିନୀତି ପରଦା ପଛରେ ଅନୁଷ୍ଠିତ ହେବ । ଏହାକୁ କୌଣସି ଭକ୍ତ ଦେଖି ପାରିବେ ନାହିଁ । ପ୍ରଥମ ଥର ପାଇଁ ମା’ଙ୍କ ରୀତିନୀତି ପରଦା ପଛରେ ହେବ ।
ଅନ୍ୟପଟେ ରାଜ୍ୟର ଥିବା କିଛି ପୂଜା ମଣ୍ଡପ ପକ୍ଷରୁ ମା’ ଜଗତଜନନୀଙ୍କ ଦର୍ଶନ ପାଇଁ ଅନଲାଇନ ବ୍ୟବସ୍ଥା କରାଯାଇଛି । ଭକ୍ତ ଅନଲାଇନ ମାଧ୍ୟରେ ମା’ଙ୍କର ଦର୍ଶନ କରିପାରିବେ ।
