ଭୁବନେଶ୍ୱର (ଏଟିଆର ବ୍ୟୁରୋ): ଧରାବତରଣ କରି ସାରିଛନ୍ତି ଦୁର୍ଗତିନାଶିନୀ ମା’ ଦୁର୍ଗା । ଆଜି ହେଉଛି ମା’ ଦୁର୍ଗାଙ୍କର ମହାସପ୍ତମୀ ପୂଜା । ଏଥରକ କୋଭିଡ କଟକଣା ଭିତରେ ହେଉଛି ମା’ଙ୍କ ପୂଜାର୍ଚ୍ଚନା । ଗତକାଲି ମା’ଙ୍କ ମହାଷଷ୍ଠୀ ପୂଜା ଅନୁଷ୍ଠିତ ହୋଇଥିଲା । ରୀତିନୀତି ଅନୁଯାୟୀ ପ୍ରଥମେ ବେଲବରଣୀ କରାଯାଇଥିଲା । ସେହିଭଭଳି ଆଜି ମାଙ୍କର ଚକ୍ଷୁଦାନ ପରମ୍ପରା ରହିଛି ।
ରାଜ୍ୟର ବିଭିନ୍ନ ପୂଜା ମଣ୍ଡପରେ ମା’ଜଗତଜନନୀଙ୍କର ପୂଜା ଚାଲିଛି । କିନ୍ତୁ ଚଳିତ ବର୍ଷ କରୋନା କଟକଣା ଯୋଗୁଁ ମା’ଙ୍କର ପୂଜା ଦେଖି ପାରୁ ନାହାନ୍ତି ଭକ୍ତ । ପରଦା ପଛରେ ହେଉଛି ମା’ଙ୍କର ସମସ୍ତ ରୀତି ନୀତି । ଭକ୍ତଶୂନ୍ୟ ପୂଜାମଣ୍ଡପ ।
ଅନ୍ୟପଟେ କିଛି ମଣ୍ଡପ ଗୁଡିକରେ ମା’ଙ୍କ ଦର୍ଶନ ନିମନ୍ତେ ଅନଲାଇନ୍ ବ୍ୟବସ୍ଥା କରାଯାଇଛି । ଅନଲାଇନ୍ ମାଧ୍ୟମରେ ମା’ ଜଗତଜନନୀଙ୍କର ଦର୍ଶନ କରି ପାରିବେ ଭକ୍ତ ।
ଚଳିତବର୍ଷ ରାଜ୍ୟର ବିଭିନ୍ନ ସ୍ଥାନରେ ନିରାଡମ୍ବରରେ ଆୟୋଜିତ ହୋଇଛି ମା’ଙ୍କ ପୂଜା ।
