ପୁରୀ (ଏଟିଆର ବ୍ୟୁରୋ): ନବଦିନାତ୍ମକ ଯାତ୍ରା ଶେଷ କରି ଆଜି ଶ୍ରୀମନ୍ଦିର ଅଭିମୁଖେ ବାହୁଡିବେ ମହାପ୍ରଭୁ । ବଡଭାଇ ଏବଂ ଭଉଣୀଙ୍କ ପଛେ ପଛେ ପହଣ୍ଡି ହୋଇ ଆସୁଛନ୍ତି ମହାପ୍ରଭୁ ଶ୍ରୀଜଗନ୍ନାଥ । ଜନ୍ମବେଦୀକୁ ତ୍ୟାଗ କରି ରଥାରୁଢ ହେବା ପାଇଁ ପହଁଣ୍ଡି ହୋଇ ଆସୁଛନ୍ତି ମହାପ୍ରଭୁ । ଟାହିଆ ହଲେଇ ହଲି ହଲି ଝୁଲି ଝୁଲି ଆସୁଛନ୍ତି କାଳିଆ ସୁନା । ଘଣ୍ଟ, ଘଣ୍ଟାର ଘର୍ଘର ନାଦରେ ଚାଲିଛି କାଳିଆ ସାଆନ୍ତର ପହଣ୍ଡି ।
ମହାପ୍ରଭୁ ଶ୍ରୀଜଗନ୍ନାଥ ପହଣ୍ଡି ହୋଇ ଆସି ନନ୍ଦିଘୋଷ ରଥରେ ବିରାଜମାନ କରିବେ । ରଥରେ ମହାପ୍ରଭୁ ବିରାଜମାନ କରି ସାରିବା ପରେ ସମସ୍ତ ନୀତି କାନ୍ତି ସମ୍ପନ୍ନ ହେବା ପରେ ଶ୍ରୀମନ୍ଦିର ଅଭିମୁଖେ ଯାତ୍ରା କରିବେ କାଳିଆ ।
ଚଳିତ ବର୍ଷ କରୋନା କଟକଣା ପାଇଁ ଭକ୍ତ ଶୂନ୍ୟରେ ଚାଲିଛି ବାହୁଡା ଯାତ୍ରା । ଭକ୍ତ ଶୂନ୍ୟ ଶରଧା ବାଲି ।
