ପୁରୀ (ଏଟିଆର ବ୍ୟୁରୋ): ଆଜି ବିଶ୍ୱପ୍ରସିଦ୍ଧ ପବିତ୍ର ରଥଯାତ୍ରା । ରତ୍ନସଂହାନ ଛାଡି ଭକ୍ତମାନଙ୍କୁ ଦର୍ଶନ ଦେବା ଲାଗି ବଡଦାଣ୍ଡକୁ ବାହାରିଛନ୍ତି ଚତୁର୍ଦ୍ଧାମୂରତୀ । ସକାଳ ଆଳତୀ ସମେତ ସମସ୍ତ ନୀତିକାନ୍ତି ସରିଲା ପରେ ଖେଚୁଡି ଭୋଗ ଖାଇ ମହାପ୍ରଭୁଙ୍କର ଧାଡି ପହଣ୍ଡି ଚାଲିଛି । ବଡଦାଣ୍ଡ ଲୋକାରଣ୍ୟ ହୋଇପଡିଛି ।ଘଣ୍ଟ, ମୃଦଙ୍ଗରେ କମ୍ପୁଛି ବଡଦାଣ୍ଡ ।
ପ୍ରଥମେ ରଥ ପ୍ରତିଷ୍ଠା ହେଲା ପରେ ସୁଦର୍ଶନଙ୍କୁ ପହଣ୍ଡି କରି ଆଣି ମା’ ଶୁଭଦ୍ରାଙ୍କ ରଥରେ ସ୍ଥାପନା କରାଯାଇଥିଲା । ପରେ ପରେ ବଡ ଠାକୁର ଶ୍ରୀ ବଳଭଦ୍ର ଓ ମା’ ଶୁଭଦ୍ରାଙ୍କୁ ପହଣ୍ଡି କରି ଆଣି ରଥରେ ବିରଜମାନ କରାଯାଇଛି । କଳାଠାକୁର ଶ୍ରୀ ଜଗନ୍ନାଥ ଙ୍କ ପହଣ୍ଡି ଚାଲିଛି ।
