ପୁରୀ (ଏଟିଆର ବ୍ୟୁରୋ): ଆସନ୍ତାକାଲିଠୁ ଆରମ୍ଭ ହେବାକୁ ଯାଉଛି ମହାପ୍ରଭୁଙ୍କ ଚନ୍ଦନ ଯାତ୍ରା । ୨୧ ଦିନ ଯାକ ନରେନ୍ଦ୍ର ପୁଷ୍କରଣୀରେ ଚାପ ଖେଳିବେ ମହାପ୍ରଭୁ । କିନ୍ତୁ କୋଭିଡ କଟକଣା ଭିତରେ ଅନୁଷ୍ଠିତ ହେବ ମହାପ୍ରଭଙ୍କ ଚନ୍ଦନ ଯାତ୍ରା । ସେଥିପାଇଁ ଜିଲ୍ଲା ପ୍ରଶାସନ ପକ୍ଷରୁ ଶ୍ରୀମନ୍ଦିର ସମ୍ମୁଖ ଏବଂ ନରେନ୍ଦ୍ର ପୁଷ୍କରଣୀରେ ଚନ୍ଦନ ଯାତ୍ରା ବେଳେ ୧୪୪ ଧାରା ଲାଗୁ କରାଯିବ । ଏହାସହିତ ୬ଟି ଏନଫୋର୍ସମେଣ୍ଟ ସ୍କ୍ୱାର୍ଡ ମୁତୟନ କରାଯିବ । ଯାତ୍ରା ସମୟରେ କୌଣସି ଭକ୍ତଙ୍କୁ ଅନୁମତି ନାହିଁ କେବଳ ଗଣମାଧ୍ୟମ ପ୍ରତିନିଧି ଏବଂ ପାସଧାରୀ ସେବାୟତଙ୍କୁ ଅନୁମତି ରହିଛି ।
ଅନ୍ୟପଟେ ଚନ୍ଦନ ଯାତ୍ରାର ସମସ୍ତ କାର୍ଯ୍ୟ ଚୁଡାନ୍ତ ପର୍ଯ୍ୟାୟରେ ପହଁଚି ଥିବା ବେଳେ ଏହି ଯାତ୍ରାରେ କେବଳ କୋଭିଡ ନେଗେଟିଭ ଥିବା ସେବାୟତଙ୍କୁ ଅନୁମତି ମିଳିବ ।
ସେହିପରି ଚନ୍ଦନ ଯାତ୍ରା ସମୟରେ ଭକ୍ତମାନେ ଟିଭିରେ ସିଧାପ୍ରସାରଣ ଦେଖି ପାରିବେ । ଏନେଇ ଶ୍ରୀମନ୍ଦିର ପ୍ରଶାସନ ପକ୍ଷରୁ କୁହାଯାଇଛି ।
