ପୁରୀ (ଏଟିଆର ବ୍ୟୁରୋ): କୋଟି କୋଟି ପ୍ରାଣର ଦେବତା ହେଉଛନ୍ତି ମହାପ୍ରଭୁ ଶ୍ରୀ ଜଗନ୍ନାଥ । ଭାବ ବିନୋଦିଆଙ୍କ ଆନନ୍ଦ ବଜାରର ମହାପ୍ରସାଦ ବିଶ୍ୱ ପ୍ରସିଦ୍ଧ ଅଟେ । ଏହି ମହାପ୍ରସାଦ ସେବନ କରିବା ପାଇଁ କୋଣ ଅନୁକୋଣରୁ ଧାଇଁ ଆସିଥାନ୍ତି ଭକ୍ତ । ଏବେ ଏହି ମହାପ୍ରସାଦକୁ ନେଇ ଚାରିଆଡେ ଗୁଜବ ଖେଳିଯାଇଛି ।
ଆଜ୍ଞା ହଁ ଅନଲାଇନ୍ ରେ ମହାପ୍ରଭୁଙ୍କ ମହାପ୍ରସାଦ ବିକ୍ରି ହେଉଥିବା କଥା ଚାରିଆଡେ ପ୍ରଚାର ହୋଇଛି । ଏହା ସମ୍ପୂର୍ଣ୍ଣ ଭାବେ ମିଥ୍ୟା ଗୁଜବ ବୋଲି ମନ୍ଦିର ପ୍ରଶାସନ ପକ୍ଷରୁ ସ୍ପଷ୍ଟି କରଣ କରାଯାଇଛି ।
ଶ୍ରୀମନ୍ଦିର ପ୍ରଶାସକ ପ୍ରଦୀପ୍ତ ମହାପାତ୍ରଙ୍କ କହିବାନୁଯାୟୀ, ମହାପ୍ରସାଦକୁ ନେଇ ଉଠିଥିବା କଥା ସମ୍ପୂର୍ଣ୍ଣ ମିଥ୍ୟା । ପ୍ରଶାସନ ପକ୍ଷରୁ କୌଣସି ଏଭଳି ନିୟମ ଲାଗୁ କରାଯାଇ ନାହିଁ । ଏନେଇ ସ୍ୱତନ୍ତ୍ର ତଦନ୍ତ କରାଯିବ । ଯେଉଁ ବ୍ୟକ୍ତି ବା ସଂସ୍ଥା ଏଭଳି ମିଥ୍ୟା ଗୁଜବକୁ ସୋଶିଆଲ ମିଡିଆରେ ଭାଇରାଲ କରିଛି ସେମାନଙ୍କ ବିରୋଧରେ ଦୃଢ କାର୍ଯ୍ୟନୁଷ୍ଠାନ ଗ୍ରହଣ କରାଯିବ ।
