ପୁରୀ (ଏଟିଆର ବ୍ୟୁରୋ): ଆସନ୍ତା ୧୪ ତାରିଖରେ ଅନୁଷ୍ଠିତ ହେବ ଶ୍ରୀଜିଉଙ୍କ ପବିତ୍ର ସ୍ନାନଯାତ୍ରା । ଲକ୍ଷାଧିକ ଭକ୍ତଙ୍କୁ ସ୍ନାନ ବେଦୀରେ ଦର୍ଶନ ଦେବେ ଶ୍ରୀଜିଉ । ସ୍ନାନଯାତ୍ରା ଏବଂ ଆସନ୍ତା ରଥଯାତ୍ରାର ବିଭିନ୍ନ ନୀତି ପାଇଁ ଶ୍ରୀମନ୍ଦିରରେ ଆଜିଠୁ ଦଇତାପତିମାନେ ପ୍ରବେଶ କରିଛନ୍ତି । ସନ୍ଧ୍ୟଧୂପ ପରେ ଆଜି ଶ୍ରୀଜିଉଙ୍କ ବାହୁଟକଣ୍ଟ ନୀତି କରିବେ ଦଇତାପତି ।
ଶ୍ରୀଜିଉଙ୍କ ସ୍ନାନଯାତ୍ରା ପହଁଣ୍ଡି ଲାଗି ଆଜି ରତ୍ନସିଂହାସନରେ ଚାରମାଳ ବାନ୍ଧିବେ କୋଠସୁଆଂସିଆ ସେବକ । ଏହାପରେ ସୋମବାର ମହାପ୍ରଭୁଙ୍କ ଶ୍ରୀଅଙ୍ଗରେ ସେନାପଟା ଲାଗି କରିବେ ଦଇତାପତି ସେବକ ।
