ପୁରୀ (ଏଟିଆର): ଆଜି ପବିତ୍ର ବିଶ୍ୱପ୍ରସିଦ୍ଧ ରଥଯାତ୍ରା ବା ଘୋଷଯାତ୍ରା । ଦୀର୍ଘ ଦୁଇ ବର୍ଷ ପରେ ଭକ୍ତଙ୍କ ମଧ୍ୟରେ ଅନୁଷ୍ଠିତ ହେଉଛି ରଥଯାତ୍ରା । ସିଂହଦ୍ୱାର ସାମ୍ନାରେ ଚତୁର୍ଦ୍ଧାମୂରତୀଙ୍କ ଅପେକ୍ଷାରେ ରଥତ୍ରୟ । ନିର୍ଦ୍ଧାରିତ ସମୟ ପୂର୍ବରୁ ନୀତିକାନ୍ତି ଆଗେଇ ଚାଲିଥିବା ବେଳେ ଚତୁର୍ଦ୍ଧାମୂରତୀଙ୍କ ପହଣ୍ଡି ଆରମ୍ଭ ହୋଇଯାଇଛି । ପ୍ରଥମେ ଚକ୍ରରାଜ ସୁଦର୍ଶନଙ୍କ ପହଣ୍ଡି ଆରମ୍ଭ ହୋଇଛି । ଗୋଟି ପହଣ୍ଡିରେ ରଥକୁ ବିଜେ କରୁଛନ୍ତି ସୁଦର୍ଶନ ମହାପ୍ରଭୁ ।
