ପୁରୀ (ଏଟିଆର ବ୍ୟୁରୋ): ଆଜିଠୁ ଜାନୁଆରୀ ୩୧ ଯାଏଁ ଭକ୍ତଙ୍କ ପାଇଁ ବନ୍ଦ ଶ୍ରୀମନ୍ଦିର । ମହାପ୍ରଭୁଙ୍କ ଦର୍ଶନରୁ ବଞ୍ଚିତ ରହିବେ ଭକ୍ତ । କରୋନା ସଂକ୍ରମଣ ବୃଦ୍ଧିକୁ ଦୃଷ୍ଟିରେ ରଖି ପ୍ରଶାସନ ପକ୍ଷରୁ ଜାନୁଆରୀ ୩୧ ଯାଏଁ ଶ୍ରୀମନ୍ଦିର ବନ୍ଦ ରଖାଯାଇଛି । ପୁଣି ଥରେ ଭକ୍ତ ଓ ଭଗବାନଙ୍କ ମଧ୍ୟରେ ପାଚେରୀ ହୋଇ ଛିଡା ହୋଇଛି କରୋନା । ପୂର୍ବ କଟକଣା ଅନୁଯାୟୀ ରବିବାର ଶ୍ରୀମନ୍ଦିରରେ ଦର୍ଶନ ବନ୍ଦ ଏବଂ ନୂତନ କଟକଣା ଅନୁଯାୟୀ ସୋମବାରଠୁ ୩୧ ଯାଏଁ ଦର୍ଶନ ବନ୍ଦ ।
ଆଜିଠୁ ଶ୍ରୀମନ୍ଦିର ବନ୍ଦ ଥିବାରୁ ଗତକାଲି ମହାପ୍ରଭୁଙ୍କ ଶେଷ ଦର୍ଶନ ନିମନ୍ତେ ଶ୍ରୀମନ୍ଦିରରେ ପ୍ରବଳ ଭିଡ ଜମିଥିଲା । ଦିନ ତମାମ ମହାପ୍ରଭୁଙ୍କ ଦର୍ଶନ ଚାଲିଥିବା ବେଳେ ରାତି ସାଢେ ୮ଟା ଯାଏଁ ଦର୍ଶନ କରୁଥିଲେ ଭକ୍ତ ।
