ପୁରୀ (ଏଟିଆର ବ୍ୟୁରୋ): ନବଦିନାତ୍ମକ ଯାତ୍ରା ସାରି ଶ୍ରୀଗୁଣ୍ଡିଚା ମନ୍ଦିରରୁ ଶ୍ରୀମନ୍ଦିରକୁ ଆସନ୍ତା ଜୁଲାଇ ୧ ରେ ବାହୁଡିବେ ଚତୁର୍ଦ୍ଧାମୂରତି । ଜୁଲାଇ ୧ ରେ ପବିତ୍ର ବାହୁଡା ଯାତ୍ରା ଏନେଇ ଶ୍ରୀମନ୍ଦୀର ପ୍ରଶାସନ ପକ୍ଷରୁ ସମୟ ନିର୍ଘଣ୍ଟ କରାଯାଇଛି । ସକାଳ ୮ ଟାରୁ ୧୦ ଟା ମଧ୍ୟରେ ଚତୁର୍ଦ୍ଧାମୂରତିଙ୍କ ବାହୁଡା ପହଣ୍ଡି , ୧୦ଟା ୩୦ ରୁ ୧୧ ଟା ୩୦ ମଧ୍ୟରେ ଛେରାପହଁରା ନୀତି ନିର୍ଘଣ୍ଟ ହୋଇଥିବା ବେଳେ ମଧ୍ୟାହ୍ନ ୧୨ ଟାରେ ରଥଟଣା ପାଇଁ ସମୟ ନିର୍ଘଣ୍ଟ କରାଯାଇଛି ।
ଅନ୍ୟପଟେ ବାହୁଡା ଯାତ୍ରା ଓ ସୁନାବେଶର ସିଧାପ୍ରସାରଣ କରିବ ଦୁରଦର୍ଶନ । ଏନେଇ ସୂଚନା ଓ ଲୋକ ସମ୍ପର୍କ ବିଭାଗ ନିର୍ଦ୍ଦେଶକ ସୂଚନା ଦେଇଛନ୍ତି । ଦୁରଦର୍ଶନର ଲିଙ୍କ୍ କୁ ଅନ୍ୟ ଚ୍ୟାନେଲ ଗୁଡିକ ସେୟାର କରି ପାରିବେ । ସେଥିପାଇଁ କୌଣସି ଶୁଳ୍କ ଦେବାକୁ ପଡିବ ନାହିଁ ।
