ପୁରୀ (ଏଟିଆର ବ୍ୟୁରୋ): ନବଦିନାତ୍ମକ ଯାତ୍ରାରେ ଭାଇ ଭଉଣୀକୁ ନେଇ ଶ୍ରୀଗୁଣ୍ଡିଚା ମନ୍ଦିର ଆସିଛନ୍ତି ମହାପ୍ରଭୁ । ଆଜି ହେଉଛି ନବଦିନାତ୍ମକ ଯାତ୍ରାର ପଞ୍ଚମୀ ତିଥି ବା ପବିତ୍ର ହେରା ପଞ୍ଚମୀ । ଏହି ଅବସରରେ ଆଜି ଶ୍ରୀମନ୍ଦିରରୁ ମା ଲକ୍ଷ୍ମୀ ସାଆନ୍ତାଣୀ ଗୁଣ୍ଡିଚାଘର ଆସି ମହାପ୍ରଭୁଙ୍କ ଦର୍ଶନ କରିବା ସହ ରାଗରେ ମହାପ୍ରଭୁ କାଳିଆର ନନ୍ଦୀଘୋଷ ରଥର ଖଣ୍ଡେ କାଠ ଭାଙ୍ଗିବେ ।
ମା ଲକ୍ଷ୍ମୀ ସାଆନ୍ତାଣୀକୁ ଏକାକି ଶ୍ରୀମନ୍ଦିରରେ ଛାଡି ଭାଇ ଭଉଣୀକୁ ନେଇ ଶ୍ରୀଗୁଣ୍ଡିଚା ଯାତ୍ରାରେ ମହାପ୍ରଭୁ ଆସିଥିବାରୁ ମା ସାଆନ୍ତାଣୀ ଆଜି ନନ୍ଦୀଘୋଷ ରଥ ଭାଙ୍ଗି ତାଙ୍କ ରାଗ ସୁଝାଇବେ । ଏହାପରେ ରାଗରେ ହେରାଗୌରୀ ସାହି ଦେଇ ଶ୍ରୀମନ୍ଦିରକୁ ବାହୁଡିବେ ।
