ପୁରୀ (ଏଟିଆର ବ୍ୟୁରୋ): ଶ୍ରୀମନ୍ଦିରରେ ସମ୍ପନ୍ନ ହୋଇଛି ମହାପ୍ରଭୁଙ୍କ ଘଣାଲାଗି ନୀତି । ଗତକାଲି ବିଳମ୍ବିତ ରାତିରେ ଏହି ନୀତି ସମ୍ପନ୍ନ ହୋଇଛି । ଦଇତାପତି ସେବକମାନେ ଉପବାସ ରହିି ସମ୍ପୂର୍ଣ୍ଣ ନିଷ୍ଠାର ସହ ଏହି ନୀତି ଶେଷ କରିଛନ୍ତି । ଦଇତାପତି ସେବକମାନେ ସମ୍ପୂର୍ଣ୍ଣ ଗୋପନୀୟ ଭାବେ ଏହି ନୀତି ସହ ସେମାନଙ୍କ ଅଣସର ନୀତି ସମ୍ପନ୍ନ କରିଛନ୍ତି ।
ସେହିପରି ଆଜି ହେବ ମହାପ୍ରଭୁଙ୍କ ଶ୍ରୀମୁଖ ଓତା ଲାଗି । ସେଥିପାଇଁ ଦତ୍ତମହାପାତ୍ରଙ୍କ ଘରୁ ଖଡିପ୍ରସାଦ ବିଜେ ହୋଇଛି । ଶ୍ରୀଜିଉଙ୍କ ଶ୍ରମୁଖ ଓତା ଉପରେ ଏହି ଖଡି ପ୍ରସାଦ ଲାଗି ହେବ । ଏହାପରେ ଶ୍ରୀନଅରକୁ ଖଡିପ୍ରସାଦ ନେଇ ଦତ୍ତମହାପାତ୍ରଙ୍କ ସହ ଦଇତାପତି ସେବକ ଏବଂ ପତିମହାପାତ୍ର ସେବକ ବିଜେ କରିବେ । ଖଡିପ୍ରସାଦ ବିଜେ ପରେ ଶୁକ୍ରବାର ହେବ ବନକଲାଗି ନୀତି ।
