କଟକ (ଏଟିଆର ବ୍ୟୁରୋ): ଦୃତ ବେଗରେ ଗାଡି ଚଲାଇବା ହେଲା କାଳ । ନିୟନ୍ତ୍ରଣ ହରାଇ ମନ୍ଦିର କାନ୍ଥରେ ପିଟି ହେଲା ବାଇକ୍ । ଫଳରେ ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟ ଜଣେ ଗୁରୁତର ଆହତ ହୋଇଛନ୍ତି । ଏଭଳି ଏକ ଅଭାବନୀୟ ଘଟଣା ଜଗତସିଂହପୁର-କଟକ ରାସ୍ତାର ଅଥଙ୍ଗ ନିକଟରେ ଘଟିଛି ।
ମୃତକ ଜଣଙ୍କ ନାମ ବିବେକାନନ୍ଦ ଦାସ ଘର ଜଗତସିଂହପୁର ଜିଲ୍ଲା କାଟସିଂହପୁର ହୋଇଥିବା ବେଳେ ଆହତ ବ୍ୟକ୍ତି ଜଣଙ୍କ ହେଉଛନ୍ତି ଗଉଡୁଣି ପଡିଆ ଗାଁର ଜ୍ୟାତି ରଞ୍ଜନ ସାଠୁଆ ବୋଲି ଜଣାପଡିଛି ।
ଖବରମୁତାବକ, ଗତକାଲି ରାତିରେ ବିବେକାନନ୍ଦ ଏବଂ ଜ୍ୟୋତି ରଞ୍ଜନ ତାଙ୍କ କାମ ସାରି ଏକ ବାଇକ୍ ଯୋଗେ ଘରକୁ ଫେରୁଥିଲେ । ଶୀତୁଆ ଅନ୍ଧାରରେ ରାସ୍ତା ଗହଳି ନଥିବା ହେତୁ ବାଇକ୍ ର ବେଗ ଦୃତ ଗତିରେ ଥିବାରୁ ଏକ ମନ୍ଦିର କାନ୍ଥରେ ପିଟି ହୋଇ ଯାଇଥିଲା । ଦୁର୍ଘଟଣାସ୍ଥଳରେ ସ୍ଥାନୀୟ ଲୋକ ପହଁଚି ଦୁଇ ଜଣଙ୍କୁ କଟକ ହସ୍ପିଟାଲରେ ଭର୍ତ୍ତି କରାଇଥିଲେ । କିନ୍ତୁ ସେଠାରେ ଜଣଙ୍କୁ ଡାକ୍ତର ମୃତ ଘୋଷଣା କରିଥିବା ବେଳେ ଅନ୍ୟ ଜଣେ ଗୁରୁତର ଅବସ୍ଥାରେ ଚିକିତ୍ସିତ ହେଉଛନ୍ତି ।
