ମେଲବର୍ଣ୍ଣ (ଏଟିଆର ବ୍ୟୁରୋ); ଚହଲ କଲେ ଚହଲ । ୪୨ ରନ ଦେଇ ୬ଟି ୱିକେଟ ଅକ୍ତିଆର କରିଛନ୍ତି ଚହଲ । ଚହଲଙ୍କ ଘାତକ ବୋଲିଂ ଆଗରେ ଧରାଶାୟୀ ହୋଇଛି କଙ୍ଗାରୁ ବାହିନୀ । ୨୩୦ ରନରେ ଚିତପଟାଙ୍ଗ ମାରିଛି ଦଳ । ଭାରତ ଆଗରେ ୨୩୧ ରନର ବିଜୟ ଲକ୍ଷ ରହିଛି । ଭାରତ ଯଦି ଏହି ସ୍କୋରକୁ ଅତିକ୍ରମ କରିଯାଏ ତେବେ ଇତିହାସ ରଚିବ । ପ୍ରଥମ ଥର ପାଇଁ ଅଷ୍ଟ୍ରେଲିଆ ମାଟିରେ ସିରିଜ ବିଜୟ କରିବ । ୩ଟି ଯାକ ପର୍ଯ୍ୟାୟରେ ସିରିଜ ଜିତିଲେ ନିଆରା ରେକର୍ଡ କରିବ ଟିମ ଇଣ୍ଡିଆ ।
ଭାରତ ଟସ ଜିତି ପ୍ରଥମେ ବୋଲିଂ କରିବାର ନିଷ୍ପତ୍ତି ନେିଥିଲା ବିରାଟ ବାହିନୀ । ଚହଲଙ୍କ ୬ ୱିକେଟ ବଳରେ ଭାରତୀୟ ଦଳ କଙ୍ଗାରୁ ବାହିନୀକୁ ୨୩୦ରେ ଅଟକାଇବାରେ ସକ୍ଷମ ହୋଇଛି । ଭାରତ ପକ୍ଷରୁ ଭୁବନେଶ୍ୱର କୁମାର ୨ଟି ସାମି ୨ଟି ୱିକେଟ ନେବାରେ ସଫଳ ହୋଇଛନ୍ତି । ସେପଟେ କଙ୍ଗାରୁ ଦଳ ପକ୍ଷରୁ ପିଟରହ୍ୟାଣ୍ଡକମ ସର୍ବାଧିକ ୫୮ ରନ କରିଛନ୍ତି । ତାଙ୍କୁ ଛାଡିଦେଲେ ଦଳର ଅନ୍ୟ କୌଣସି ଖେଳାଳି ଅର୍ଦ୍ଧ ଶତକ ହାସଲ କରିନାହାଁନ୍ତି । ତେବେ ଭାରତୀୟ କ୍ରିକେଟ ପ୍ରେମୀଙ୍କ ମନରେ ପ୍ରବଳ ଉତ୍ସାହ ରହିଛି । ଏହି ସ୍କୋରକୁ ଭାରତ ଅତି ସହଜରେ ପାର କରି ବିଜୟ ହାସଲ କରିବ ବୋଲି ଆଶା ରଖିଛନ୍ତି ।
