ଲଣ୍ଡନ (ଏଟିଆର ବ୍ୟୁରୋ); ଚଳିତ ବିଶ୍ୱକପରେ ଦକ୍ଷିଣ ଆଫ୍ରିକା ୪ଟି ମ୍ୟାଚ ଖେଳିଥିବା ବେଳେ ଆଫଗାନିସ୍ତାନ ଖେଳିଛି ୩ଟି ମ୍ୟାଚ । କିନ୍ତୁ ଉଭୟ ଦଳ ଏବେ ସୁଦ୍ଧା ଗୋଟିଏ ବି ମ୍ୟାଚ ଜିତି ନାହାଁନ୍ତି । ଉଭୟ ପ୍ରଥମ ବିଜୟ ଆଶାରେ ରହିଛନ୍ତି । ଆଜି ଭାରତୀୟ ସମୟ ୬ଟାରେ ଆରମ୍ଭ ହେବାକୁ ଯାଉଛି ଏହି ମ୍ୟାଚ ।
ଦୁଇ ଦଳ ପ୍ରଥମ ବିଜୟ ଆଶାରେ ରହିଛନ୍ତି । ଏଣୁ ଆଜି ମ୍ୟାଚ ଜିତି ପଏଣ୍ଟ ହାସଲ କରିବା ଉଭୟଙ୍କ ଲକ୍ଷ୍ୟ । ଦକ୍ଷିଣ ଆଫ୍ରିକାର ଗୋଟିଏ ମ୍ୟାଚ ବାତିଲ ହୋଇଯାଇଛି । ୱେଷ୍ଟ ଇଣ୍ଡିଜ ବିପକ୍ଷ ମ୍ୟାଚ ବାତିଲ ହେବା ପରେ ଏକ ପଏଣ୍ଟ ପାଇ ଖାତା ଖୋଲିଥିଲା ଦଳ । କିନ୍ତୁ ବିଜୟର ସ୍ୱାଦ ଚାଖିନାହିଁ । ଆଫଗାନିସ୍ତାନ ତିନୋଟି ଯାକ ମ୍ୟାଚ ହାରିଥିଲେ ସୁଦ୍ଧା ଭଲ ଖେଳ ପ୍ରଦର୍ଶନ କରିଛି । ଖେଳାଳିମାନେ ଭଲ ଫର୍ମରେ ଅଛନ୍ତି ।
ଆଜିର ମ୍ୟାଚରେ ରାଦାଦାଙ୍କ ଉପରେ ରହିବ ସମସ୍ତଙ୍କ ନଜର । ଦକ୍ଷିଣ ଆଫ୍ରିକାର ଏହି ଯୁବ ବୋଲର ଭଲ ବୋଲିଂ କରୁଛନ୍ତି । କିନ୍ତୁ ଦଳର ଅନ୍ୟ କେହି ଖେଳାଳି ସହଯୋଗ କରୁ ନାହାଁନ୍ତି । ଓପନର ଭରଷା ଯୋଗ୍ୟ ଖେଳାଳି ଅମଲା ଚଳିତ ବିଶ୍ୱକପ ଆରମ୍ଭରୁ ନୈରାଶ୍ୟ ଜନକ ପ୍ରଦର୍ଶନ କରି ଆସିଛନ୍ତି । ଅପରପକ୍ଷରେ ଆଫଗାନିସ୍ତାନର ନବି ଏବେ ଭଲ ଫର୍ମରେ ଅଛନ୍ତି । ରସିଦଙ୍କ ଉପରେ ରହିବ ସମସ୍ତଙ୍କ ନଜର ।
