(ଏଟିଆର ବ୍ୟୁରୋ) ; ଏସୀୟ ଚାମ୍ପିଅନସ ଟ୍ରଫି ହକି ପ୍ରତିଯୋଗିତାର ସେମିଫାଇନାଲରେ ଆଜି ମୁହାଁମୁହିଁ ହେବେ ଭାରତ-ଜାପାନ । ରାଉଣ୍ଡ ରବିନ ପର୍ଯ୍ୟାୟରେ ଜାପାନକୁ ୯-୦ ଗୋଲରେ ପରାସ୍ତ କରିଥିଲା ଭାରତ । ତେବେ ଆଜି ସେମିଫାଇନାଲରେ ଭାରତ ସେହି ସଫଳତା ଦୋହରାଇ ଫାଇନାଲ୍ ସ୍ଥାନ ପକ୍କା କରିବା ଲକ୍ଷ୍ୟରେ ରହିବ ।
ଭୁବନେଶ୍ୱରରେ ଆସନ୍ତା ମାସରେ ଆୟୋଜିତ ବିଶ୍ୱକପ ପୂର୍ବରୁ ଏହା ଶେଷ ପ୍ରତିଯୋଗିତା ଥିବାରୁ ଭାରତ ଟାଇଟେଲ ବଜାୟ ରଖିବା ଆଶାରେ ଖେଳିବ । ଏସୀୟ କ୍ରୀଡ଼ାର ନୈରାଶ୍ୟଜନକ କାଂସ୍ୟ ପଦକ ପାଇଁ ସମାଲୋଚିତ ହୋଇଥିବାରୁ ଏବେ ସେମାନଙ୍କର ମୁହଁ ବନ୍ଦ କରିବାକୁ ଆପ୍ରାଣ ଉଦ୍ୟମ କରିବ । ଅନ୍ୟପକ୍ଷରେ ଏଠାରେ ସେମିଫାଇନାଲରେ ପ୍ରବେଶ କରିଥିବା ୪ ଦଳ ମଧ୍ୟରୁ ଏକମାତ୍ର ଜାପାନ ବିଶ୍ୱକପ ପାଇଁ ଯୋଗ୍ୟତା ହାସଲ କରିନାହିଁ । କିନ୍ତୁ ଆଜିର ସେମିଫାଇନାଲ ମ୍ୟାଚ ଭାରତ ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ।
