କଟକ (ଏଟିଆର ବ୍ୟୁରୋ): ଆଜି ବାରବାଟି ଷ୍ଟାଡିୟମରେ ଖେଳାଯିବ ଭାରତ-ଦକ୍ଷୀଣଆଫ୍ରିକା ଟି୨୦ ମ୍ୟାଚ୍ । ଏନେଇ ସମସ୍ତ ପ୍ରସ୍ତୁତି ଶେଷ ହୋଇଥିବା ବେଳେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ମ୍ୟାଚ୍ ଦେଖିବା ପାଇଁ ଅପରାହ୍ନ ୩ ଟାରୁ ଷ୍ଟାଡିୟମର ସମସ୍ତ ଗେଟ୍ ଖୋଲାଯିବ । କଡାକଡି ଭାବେ ଟିକେଟ ଗୁଡିକ ଯାଞ୍ଚ କରାଯିବା ସହିତ ଯଦି କୌଣସି ଜାଲ୍ ଟିକେଟ ଧରାପଡେ ତେବେ ସଂପୃକ୍ତ ବ୍ୟକ୍ତିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ ।
ଷ୍ଟାଡିୟମ ଭିତରକୁ କୌଣସି ଦର୍ଶକଙ୍କୁ ହେଲମେଟ, ପାଣି ବୋତଲ, ବାହାର ଖାଦ୍ୟ, ବିଡି , ସିଗାରେଟ, ଦିଆସିଲି, ଲାଇଟର, ବ୍ୟାଗ ନେବାର ଅନୁମତି ନାହିଁ । ଏପରିପି ଦର୍ଶକ ସେମାନଙ୍କ ପକେଟରେ ଖୁଚୁରା ପଇସା ମଧ୍ୟ ରଖି ପାରିବେ ନାହିଁ । ଷ୍ଟାଡିୟମରେ ସମସ୍ତଙ୍କ ପାଇଁ ମାସ୍କ ପିନ୍ଧିବା ବାଧ୍ୟତାମୂଳକ କରାଯାଇଛି ।
