ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜିର ଦିନ ଭାରତୀୟ କ୍ରିକେଟ ଦଳ ପାଇଁ ବହୁତ ବଡ ଦିନ । କାରଣ ଆଜି ହିଁ ଭାରତୀୟ ଦଳର ନୂତନ ହେଡ କୋଚ ଏବଂ ସହଯୋଗୀ ଷ୍ଟାଫ ଘୋଷଣା କରାଯିବ । ଏନେଇ ବିସିସିଆଇ ପକ୍ଷରୁ ସୂଚନା ମିଳିଛି ।
ଏନେଇ ଆଜି ସନ୍ଧ୍ୟା ୭ଟାରେ ମୁମ୍ବାଇରେ ସାମ୍ବାଦିକ ସମ୍ମିଳନୀ ରେ ଟିମ୍ ଇଣ୍ଡିଆର ନୂତନ ହେଡ କୋଚ ଏବଂ ସହଯୋଗୀ ସଦସ୍ୟମାନଙ୍କର ନାଁ ଘୋଷଣା କରାଯିବ ।
ଖବରମୁତାବକ, ଭାରତୀୟ କ୍ରିକେଟ ଦଳର ମହାନ ଖେଳାଳୀ ଏବଂ ପୂର୍ବ ଅଧିନାୟକ କପିଲ ଦେବଙ୍କ ଅଧ୍ୟକ୍ଷତାରେ ଗଠନ କରାଯାଇଥିବା କମିଟି ଭାରତୀୟ ଦଳର ନୂତନ ହେଡ କୋଚ, ବ୍ୟାଟିଙ୍ଗ କୋଚ୍ ଏବଂ ଫିଲ୍ଡିଂ କୋଚ ର ଘୋଷଣା କରି ପାରିବେ । ହୁଏତ ମିଡିଆ ରିପୋର୍ଟ ଅନୁସାରେ ଭାରତୀୟ ଦଳର ହେଡ୍ କୋଚ୍ ରବି ଶାସ୍ତ୍ରୀ ଏବଂ ବୋଲିଂ କୋଚ୍ ଭରତ ଅରୁଣଙ୍କୁ ଟିମ୍ ରେ ରଖା ଯାଇପାରେ । କିନ୍ତୁ ବ୍ୟାଟିଂ କୋଚ ଏବଂ ଫିଲ୍ଡିଂ କୋଚ୍ ମଧ୍ୟରେ ବି ଅଦଳ ବଦଳ ହେବାର ସମ୍ଭାବନା ଅଛି ।
