ଭୁବନେଶ୍ୱର (ଏଟିଆର ବ୍ୟୁରୋ); ଦୌଡରାଣୀ ଦୂତି ଚାନ୍ଦଙ୍କୁ ନେଇ ନିର୍ମାଣ ହେବ ବଲିଉଡ ଫିଲ୍ମ । ଓଡିଆର ଝିଅର ଏହି ସଂଘର୍ଷ କାହାଣୀ ନିର୍ମାଣ ହେଲେ ରାଜ୍ୟର ସମ୍ମାନ ବଢ଼ିବ । ତେବେ ଏହି ଫିଲ୍ମ ନିର୍ମାଣ ହେବା ପାଇଁ କିଟ୍ ଏବଂ କିସ୍ ପ୍ରତିଷ୍ଠାତା ସହଯୋଗ କରିବା ପାଇଁ ସୂଚନା ଦେଇଛନ୍ତି । କିଟ୍ ଏବଂ କିସ୍ ପାଇଁ ଦୂତିଙ୍କୁ ଆଜି ସାରା ବିଶ୍ୱ ଚିହ୍ନୁଛି । ତେବେ ଦୂତିଙ୍କ ଏହି ଫିଲ୍ମ ନିର୍ମାଣ କରାଗଲେ ସେ ନିଜକୁ ସୌଭାଗ୍ୟବତୀ ବୋଲି ମଣିବେ ବୋଲି ଗଣମାଧ୍ୟମକୁ ସୂଚନା ଦେଇଛନ୍ତି ।
ନିକଟରେ ନେପାଲିରେ ଅନୁଷ୍ଠିତ ହୋଇଥିବା ବିଶ୍ୱବିଦ୍ୟାଳୟ କ୍ରିଡାରେ ୧୦୦ ମିଟରରେ ସ୍ୱର୍ଣ୍ଣ ପଦକ ହାସଲ କରିଥିଲେ । ଏହି ପଦକ ହାସଲ କରିବା ପରେ ତାଙ୍କୁ କିଟରେ ସମ୍ବର୍ଦ୍ଧନା ଦେଇଥିଲେ ଅଚ୍ୟୁତ ସାମନ୍ତ । ଏହି ସମ୍ବର୍ଦ୍ଧନା ଉତ୍ସବରେ ସେ ଦୂତିଙ୍କୁ ନେଇ ଫିଲ୍ମ ନିର୍ମାଣ ହେବ ଏବଂ ଏକ ପୁସ୍ତକ ମଧ୍ୟ ପ୍ରକାଶ କରାଯିବ ବୋଲି ସୂଚନା ଦେଇଛନ୍ତି ।
ଦୂତି କିପରି ଗାଁରେ ପିଲାଦିନ ବିତାଇଥିଲେ । ଏବଂ ୨୦୧୩ ମସିହାରେ କିଟରେ ପ୍ରବେଶ କଲା ପରେ କଣ ହୋଇଛି । କେତେ ପରିଶ୍ରମ କରିଛନ୍ତି ଏବଂ ତାଙ୍କ କୋଚଙ୍କ ସହଯୋଗ ସବୁକିଛି ଏହି ଫିଲ୍ମରେ ରହିବ ବୋଲି ସୂଚନା ମିଳିଛି । ପୂର୍ବରୁ ଓଡିଶାର ବିସ୍ମୟ ବାଳକ ବୁଦ୍ଧିଆ ସିଂଙ୍କୁ ନେଇ ମଧ୍ୟ ଏକ ବଲିଉଡ ଫିଲ୍ମ ନିର୍ମାଣ କରାଯାଇଥିଲା । ତେବେ ପୂର୍ବରୁ ଯେତେ ବାୟୋପିକ ଫିଲ୍ମ ନିର୍ମାଣ କରାଯାଇଛି ସେସବୁ ହିଟ ହୋଇଛି । ଏଣୁ ଏହି ଫିଲ୍ମଟି ମଧ୍ୟ ହିଟ ହେବ ବୋଲି ଆଶା କରାଯାଉଛି ।
