ଚେନ୍ନାଇ (ଏଟିଆର ବ୍ୟୁରୋ); ଚଳିତ ବର୍ଷ ଆଇପିଏଲରେ ଚେନ୍ନାଇ ସୁପର କିଙ୍ଗ ପ୍ରଥମରୁ ବିଜୟ ଅଭିଯାନ ଆରମ୍ଭ କରିଥିଲା । ତେବେ ମଝିରେ ତିନୋଟି ମ୍ୟାଚରେ ଦଳ ପରାଜୟ ବରଣ କରିଥିଲେ ସୁଦ୍ଧା ଚେନ୍ନାଇ ଗତକାଲି ହାଇଦ୍ରାବାଦକୁ ହରାଇ ପୁଣିଥରେ ବିଜୟ ଧାରା ଜାରି ରଖିଛି । ଚେନ୍ନାଇ ଏହି ବିଜୟ ପରେ କ୍ୱାଲିଫାଇୟର ପାଇଁ ଏକ ପ୍ରକାର ରାସ୍ତା ଖୋଲିଯାଇଛି । କାରଣ ଦଳ ଚଳିତ ବର୍ଷ ୧୧ଟି ମ୍ୟାଚରୁ ୮ ବିଜୟ ସହ ୧୬ ପଏଣ୍ଟ ଅକ୍ତିଆର କରିଛି । ପଏଣ୍ଟ ଟେବୁଲ ଟପରେ ମଧ୍ୟ ରହିଛି ଦଳ ।
୪୧ତମ ମ୍ୟାଚ୍ରେ ମଙ୍ଗଳବାର ସନ୍ରାଇଜର୍ସ ହାଇଦ୍ରାବାଦକୁ ୪ ୱିକେଟ୍ରେ ହରାଇ ଚେନ୍ନାଇ ସୁପର୍ କିଙ୍ଗ୍ସ ପୁଣି ପଏଣ୍ଟ ଟେବୁଲ୍ ଶୀର୍ଷକୁ ଫେରିଛି। ଧୋନିଙ୍କ ଦଳ ମଧ୍ୟ ଲଗାତାର ପରାଜୟ ଧାରାକୁ ଭାଙ୍ଗି ୧୧ତମ ମ୍ୟାଚ୍ରୁ ଅଷ୍ଟମ ବିଜୟ ସହିତ ପ୍ଳେ ଅଫ୍ ପ୍ରବେଶକୁ ଏକ ପ୍ରକାର ନିଶ୍ଚିତ କରିଛି। ଅନ୍ୟପକ୍ଷରେ ସନ୍ରାଇଜର୍ସ ହାଇଦ୍ରାବାଦ ଦଶମ ମ୍ୟାଚ୍ରୁ ପଞ୍ଚମ ପରାଜୟ ବରଣ କରି ୧୦ ପଏଣ୍ଟରେ ସୀମିତ ରହିଛି।
ସଂକ୍ଷିପ୍ତ ସ୍କୋର: ସନ୍ରାଇଜର୍ସ ହାଇଦ୍ରାବାଦ ୨୦ ଓଭରରେ ୧୭୫/୩ (ମନୀଷ ପାଣ୍ଡେ-୮୩ଞ୍ଚ, ଡେଭିଡ୍ ୱାର୍ନର-୫୭, ହରଭଜନ ସିଂହ-୨/୩୯)। ଚେନ୍ନାଇ ସୁପର୍ କିଙ୍ଗ୍ସ ୧୯.୫ ଓଭରରେ ୧୭୬/୪ (ଭୁବନେଶ୍ବର କୁମାର-୧/୧୮, ରସିଦ୍ ଖାନ୍-୧/୪୪, ସନ୍ଦୀପ ଶର୍ମା-୧/୫୪)।
