ନୂଆଦିଲ୍ଲୀ (ଏଟିଆର ବ୍ୟୁରୋ): ମାରାତ୍ମକ ଭାଇରସ କରୋନା ପାଇଁ ଦେଶବ୍ୟାପୀ ଲକ୍ ଡାଉନ୍ ଘୋଷଣା କରାଯାଇଛି । ଇତିମଧ୍ୟରେ ଅନ୍ତରାଷ୍ଟ୍ରୀୟ କ୍ରିକେଟ ପରିଷଦ (ଆଇସିସି) ପକ୍ଷରୁ ଶୁକ୍ରବାର ଟେଲିକନଫରେନ୍ସ ଜରିଆରେ ବୈଠକ କରାଯାଇଛି । ଏହାସହିତ ଏହି ବୈଠକରେ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ଚର୍ଚ୍ଚା କରାଯାଇଛି ।
ଆଇସିସି ର ମୁଖ୍ୟ କାର୍ଯ୍ୟକାରୀ ଅଧିକାରୀ ମନୁ ସାହନେ କହିଛନ୍ତି , ଆଇସିସି ପ୍ରବନ୍ଧନ ଆଇସିସି କାର୍ଯ୍ୟକ୍ରମକୁ ନେଇ ନିଜର ଜରୁରୀକାଳୀନ ରଣନୀତି ଜାରି ରଖିବ ଏବଂ ଏହି ମହାମାରୀର ସ୍ଥିତିରେ ନିଜ ସାଥୀ ମାନଙ୍କ ସହ ମିଶି ସମସ୍ତ ପ୍ରକାରର ବିକଳ୍ପ ଉପରେ କାମ କରିବ ।
ଅନ୍ୟପଟେ ଆଇସିସି ବୋର୍ଡ ପକ୍ଷରୁ ବିସିସିଆଇ ନୂତନ ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କର ସ୍ୱାଗତ କରାଯାଇଛି । ସେହିପରି ନିକଟରେ ଶେଷ ହୋଇଥିବା ମହିଳା ଟି୨୦ ବିଶ୍ୱ କପ୍ ପାଇଁ ଅଷ୍ଟ୍ରେଲିଆ ଏବଂ ଆୟୋଜନ ସମିତିକୁ ଧନ୍ୟବାଦ ଜଣାଇଛି ଆଇସିସି । ଏହାସହିତ ବୋର୍ଡ ପକ୍ଷରୁ ଇଂଲଣ୍ଡରେ ହୋଇଥିବା ୱାନଡେ ବିଶ୍ୱ କପ ୨୦୧୯ର ଆର୍ଥିକ ଖାତା ପାଇଁ ମଞ୍ଜୁର ଦିଆଯାଇଛି ।
