ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜି ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଦିନିକିଆ ସିରିଜ୍ ର ଶେଷ ମୁକାବିଲା । ସିରିଜ୍ ହାତେଇବା ଲକ୍ଷ୍ୟରେ ମଇଦାନକୁ ଓହ୍ଲାଇବେ ଦୁଇ ଦଳ । ପୂର୍ବର ଦୁଇ ଦଳ ଗୋଟେ ଗୋଟେ ମ୍ୟାଚ୍ ଜିତିଛନ୍ତି । ମାତ୍ର ଆଜି ଶେଷ ମୁକାବିଲାରେ ଦୁଇ ଦଳଙ୍କ ମଧ୍ୟରେ ରହିବ କଡା ଟକ୍କର । ଆଜିର ଏହି ମ୍ୟାଚ୍ ବେଙ୍ଗାଲୁରୁରେ ଖେଳାଯିବ ।
ପୂୂର୍ବରୁ ଖେଳାଯାଇଥିବା ଦୁଇ ମ୍ୟାଚ୍ ମଧ୍ୟରୁ ପ୍ରଥମ ମ୍ୟାଚ୍ ଟିରେ ଅଷ୍ଟ୍ରେଲିଆ ବାଜି ମାରିନେଇଥିଲା । ମାତ୍ର ଦ୍ୱିତୀୟ ମ୍ୟାଚ୍ରେ ଅଷ୍ଟ୍ରେଲିଆକୁ ପରାସ୍ତ କରିଥିଲା ଭାରତ । ଏହି ଦ୍ୱିତୀୟ ମ୍ୟାଚ ରେ ଭାରତର ପ୍ରଦର୍ଶନ ଦମଦାର ରହିଥିଲା । ପ୍ରଥମ ମ୍ୟାଚ୍ ରେ ଭାରତ କରିଥିବା ଭୁଲ୍ କୁ ଆଉ ଦ୍ୱିତୀୟ ମ୍ୟାଚ୍ ରେ ଦୋହରାଇନଥିଲା ।
ଭାରତୀୟ ଦଳ :- ବିରାଟ କୋହଲି (କ୍ୟାପ୍ଟେନ),କେଏଲ ରାହୁଲ, ଶ୍ରେୟସ ଆୟର, ମନୀଷ ପାଣ୍ଡେ, ରୋହିତ ଶର୍ମା,ଶିଖର ଧୱନ, ରବିନ୍ଦ୍ର ଜାଡେଜା, ମହମ୍ମଦ ଶାମି,ନଭଦୀପ ସୈନୀ, ଜଶପ୍ରିତ ବୁମରା, କୁଲଦୀପ ଯାଦବ ।
ଅଷ୍ଟ୍ରେଲିଆ ଦଳ:- ଆରୋନ୍ ଫିଞ୍ଚ୍ (କ୍ୟାପ୍ଟେନ), ଆଲେକ୍ସ କ୍ୟାରୀ (ୱିକେଟକିପର), ଡେଭିଡ ୱାର୍ଣ୍ଣର, ଷ୍ଟିଭ୍ ସ୍ମିଥ୍, ଆଷ୍ଟନ୍ ଆଗର, ମାର୍ନସ୍ ଲାବୁଶେନ୍, କେନ୍ ରିଚାର୍ଡସନ୍, ପ୍ୟାଟ କମିନ୍ସ,ମିଚେଲ ଷ୍ଟାର୍କ, ଆଡାମ ଜାମ୍ପା ଓ ଆଷ୍ଟନ୍ ଟର୍ଣ୍ଣର ।
