ସିଡନୀ (ଏଟିଆର ବ୍ୟୁରୋ); ଜାରି ରହିଛି ଭାରତୀୟ ଦଳର ବ୍ୟାଟିଂ । ଚମକୁଛି ବ୍ୟାଟ୍ସମ୍ୟାନଙ୍କ ବ୍ୟାଟ । ୬୨୦ ବିଶାଳ ସ୍କୋର କରି ୬ଟି ୱିକେଟ ହରାଇଛି ଭାରତ । ଦଳ ପକ୍ଷରୁ ପନ୍ଥ ଏବଂ ଜାଡେଜା ବ୍ୟାଟିଂ ଜାରି ରଖିଛନ୍ତି । ପନ୍ଥ ବ୍ୟକ୍ତିଗତ ୧୫୯ ରନ କରି ଅପରାଜିତ ଥିବା ବେଳେ ଜାଡେଜା ୮୧ ରନ କରି ଦଳୀୟ ସ୍କୋରକୁ ଆଗେଇ ନେଉଛନ୍ତି । ପନ୍ଥଙ୍କ ଏହି ପାଳି ଏଯାବତ ଖେଳି ଥିବା ପାଳି ମଧ୍ୟରେ ସର୍ବଶ୍ରେଷ୍ଠ ପାଳି ।
ଟସ ଜିତି ଭାରତ ପ୍ରଥମେ ବ୍ୟାଟିଂ କରିବାର ନିଷ୍ପତ୍ତି ନେଇଥିଲା । ଦଳ ପକ୍ଷରୁ ପୂଜାରା ସର୍ବାଧିକ ୧୯୩ ରନ କରିଥିବା ବେଳେ ମୟଙ୍କ ଅଗ୍ରୱାଲ ୭୭ ଏବଂ ହନୁମାନ ବିହାରୀ ୪୪ କରିବାରେ ସଫଳ ହୋଇଛନ୍ତି । ତେବେ ବାକି କୈାଣସି ଖେଳାଳି ବଡ ସ୍କୋର କରିବାରେ ବିଫଳ ହୋଇଛନ୍ତି । ସେପଟେ କଙ୍ଗାରୁ ବାହିନୀ ପକ୍ଷରୁ ଲିୟନ ୪ଟି ୱିକେଟ ନେଇଥିବା ବେଳେ ହାଜେଲ ହୁଡ ୨ଟି ଏବଂ ଷ୍ଟାର୍କ ଗୋଟିଏ ୱିକେଟ ନେଇଛନ୍ତି । ଏହି ମ୍ୟାଚଟି ଉଭୟ ଦଳ ପାଇଁ ଗୁରୁତ୍ୱପୂର୍ଣ୍ଣ ରହିଛି । ଯଦି ଭାରତ ଏହି ମ୍ୟାଚ ଜିତି ଯାଏ ତେବେ ୩-୧ରେ ସିରିଜ ବିଜୟ ହେବ । ମାତ୍ର ଘରୋଇ ଦଳ ମ୍ୟାଚ ଜିତିରେ ସିରିଜ ବରାବର ହୋଇଯିବ । ଏଣୁ ଭାରତ ସିରିଜ ବିଜୟ ଲକ୍ଷରେ କଙ୍ଗାରୁ ବାହିନୀ ଆଗରେ ବିଶାଳ ସ୍କୋର ଛିଡା କରିଛି ।
