ଭୁବନେଶ୍ୱର (ଏଟିଆର ବ୍ୟୁରୋ): ଆଜି ଭୁବନେଶ୍ୱର ସ୍ଥିତ କଳିଙ୍ଗ ଷ୍ଟାଡିମରେ ଖେଳା ହେବାକୁ ଯାଉଛି ଏଫଆଇଏଚ ହକି ପ୍ରୋ-ଲିଗ । ଏହି ମ୍ୟାଚରେ ଭାରତୀୟ ହକି ଦଳ ବିଶ୍ୱର ଏକ ନମ୍ବର ଦଳ ତଥା ବିଶ୍ୱଚାମ୍ପିଆନ ବେଲଜିୟମକୁ ଭେଟିବାକୁ ଯାଉଛି । ଆଜି ଘରୋଇ ମାଟିରେ ଭାରତ ଏଫଆଇଏଚ ହକି ପ୍ରୋ-ଲିଗର ଦ୍ୱିତୀୟ ମ୍ୟାଚ ଖେଳିବାକୁ ଯାଉଛି । ପ୍ରଥମ ମୁକାବିଲାରେ ଭାରତୀୟ ହକି ଟିମ ନେଦରଲ୍ୟାଣ୍ଡ ସହ ଖେଳିଥିବା ବେଳେ ଦୁଇଟି ଯାକ ମ୍ୟାଚ ଜିତି ନିଜର ଆତ୍ମବିଶ୍ୱାସ ଦୃଢ କରିଛି ।
ଅନ୍ୟପଟେ ଭାରତ ସମ୍ମୁଖରେ ଅଛି ବିଶ୍ୱ ଚାମ୍ପିଆନ ଟିମ ବେଲଜିୟମ । ଭାରତ ପ୍ରୋ- ଲିଗରେ ଦୁଇଟି ଯାକ ମ୍ୟାଚ ଜିତି ପଏଣ୍ଟ ଟେବୁଲରେ ୫ମ ସ୍ଥାନରେ ରହିଥିବା ବେଳେ ଟିମ ବେଲଜିୟମ ୪ ମ୍ୟାଚରୁ ୧୧ ପଏଣ୍ଟ ପାଇ ପଏଣ୍ଟ ଟେବୁଲର ଶୀର୍ଷରେ ରହିଛି । ଭାରତୀୟ ହକି ଦଳ ପାଇଁ କଳିଙ୍ଗ ଷ୍ଟାଡିୟମ ଘରୋଇ ମାଟି ହୋଇଥିଲେ ମଧ୍ୟ ୨୦୧୮ ବିଶ୍ୱକପରେ ବେଲଜିୟମ ଦଳ କଳିଙ୍ଗ ଷ୍ଟାଡିୟମରେ ବିଶ୍ୱକପ ଫାଇନାଲ ମ୍ୟାଚ ଖେଳି ବିଜେତା ହୋଇଥିଲେ । ତେଣୁ ଉଭୟ ଦଳଙ୍କର ମନବଳ ଦୃଢ ରହିଛି ।
