ପୁଣେ (ଏଟିଆର ବ୍ୟୁରୋ): ଆଜି ସନ୍ଧ୍ୟାରେ ଭାରତ – ଶ୍ରୀଲଙ୍କା ମଧ୍ୟରେ ଅନ୍ତୀମ ଟି-୨୦ ମ୍ୟାଚ ଖେଳାଯିବ । ଏହି ମ୍ୟାଚ ଟି ପୁନେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଖେଳାଯିବ । ଏହି ହାଇଭୋଲଟେଜ ମ୍ୟାଚଟି ସଂନ୍ଧ୍ୟା ୭ଟା ବେଳେ ଖେଳାଯିବାକୁ ଥିବା ବେଳେ ଏହି ମ୍ୟାଚଟିକୁ ଦେଖିବା ପାଇଁ ଫ୍ୟାସଙ୍କ ମଧ୍ୟରେ କ୍ରେଜ ବୃଦ୍ଧି ପାଇବାରେ ଲାଗିଲାଣି । ୩ଟିକିଆ ମ୍ୟାଚ ବିଶିଷ୍ଟ ସିରିଜରେ ଗୌହାଟିରେ ଖେଳାଯାଇଥିବା ପ୍ରଥମ ମ୍ୟାଚଟି ବର୍ଷା ଯୋଗୁଁ ବାତିଲ ହୋଇଯାଇଥିଲା ।
ଅନ୍ୟପଟେ ଇନ୍ଦୋରରେ ଖେଳାଯାଇଥିବା ଦ୍ୱିତୀୟ ମ୍ୟାଚକୁ ୭ୱିକେଟରେ ଜିତି ଭାରତ ସିରିଜ ୧- ୦ରେ ଆଗୁଆ ରହିଛି । ତେଣୁ ଭାରତ ଆଜିର ମ୍ୟାଚ ଜିତି ସିରିଜ ଜିତିବା ମ୍ୟାଚଟିକୁ ନିଜ ହାତରେ କରିବାକୁ ଚେଷ୍ଟା କରିବ । ସେପଟେ ଶେଷ ମ୍ୟାଚ ହୋଇଥିବା ବେଳେ ଶ୍ରୀଲଙ୍କା ମ୍ୟାଚଟିକୁ ଜିତିବାକୁ ଚେଷ୍ଟା କରିବେ । ଅନ୍ୟପଟେ ଭାରତୀୟ ଦଳରେ କିଛିଟା ପରିବର୍ତ୍ତନ ହୋଇପାରେ ସମ୍ଭାବ୍ୟ ଭାରତୀୟ ଦଳରେ ବିରାଟ କୋହଲି (ଅଧିନାୟକ), ଶିଖର ଧାୱନ, ଲୋକେଶ ରାହୁଲ, ଶ୍ରେୟସ ଆୟର, ଋଷଭ ପନ୍ଥ (ୱିକେଟରକ୍ଷକ), ଶିଭମ ଦୁବେ, ରବିନ୍ଦ୍ର ଜାଡେଜା, କୁଲଦୀପ ଯାଦବ, ଜସପ୍ରିତ ବୁମରା, ସାର୍ଦ୍ଦୁଲ ଠାକୁର, ନବଦୀପ ସୈନି ରହିପାରନ୍ତି ।
