ନୂଆଦିଲ୍ଲୀ (ଏଟିଆର ବ୍ୟୁରୋ): ଶ୍ରୀଲଙ୍କା ବିପକ୍ଷରେ ଟି୨୦ ସିରିଜ୍ ହାତେଇବା ପରେ ଏବେ ଦୃଢତାର ସହ ମଇଦାନକୁ ଓହ୍ଲାଇବ ଟିମ୍ ଇଣ୍ଡିଆ । ୩ ୱାନଡେ ମ୍ୟାଚ୍ ସିରିଜ୍ ର ପ୍ରଥମ ମ୍ୟାଚ୍ ମଙ୍ଗଳବାର ଦିନ ମୁମ୍ବାଇର ୱନଖେଡ ଷ୍ଟାଡିୟମରେ ଆରମ୍ଭ ହେଉଛି । ଅଷ୍ଟ୍ରେଲିଆ ବିପକ୍ଷରେ ଫ୍ଲୋରକୁ ଓହ୍ଲାଇବ ଟିମ୍ ଇଣ୍ଡିଆ । ଅପରାହ୍ନ ୧.୩୦ ରେ ମ୍ୟାଚ୍ ଆରମ୍ଭ ହେବ ।
ପ୍ରଥମରୁ ରୋହିତ ଶର୍ମା ମଙ୍ଗ ସମ୍ଭାଳିବେ । ସେହିପରି ଲୋକେଶ ରାହୁଲ ଏବଂ ଶିଖର ଧୱନଙ୍କ ଉପରେ କଡା ନଜର ରହିବ । ହୁଏତ କ୍ୟାପ୍ଟେନ ବିରାଟ କୋହଲି ସଂକେତ ଦେଇଛନ୍ତି କି ଶିଖର ଏବଂ ରାହୁଲ ଦୁହେଁଙ୍କୁ ଅନ୍ତିମ ଏକାଦଶରେ ସାମିଲ କରିବା ପାଇଁ ସେ ନିଜେ ଲୋୟର ବ୍ୟାଟିଂ କ୍ରମରେ ଓହ୍ଲାଇ ପାରନ୍ତି । ଦୁଇ ମଜବୁତ ଦଳ ମଧ୍ୟରେ ହେବାକୁ ଥିବା ହାଇଭୋଲଟେଜ୍ ସିରିଜ୍ର ରୋମାଞ୍ଚ ଶିଖରରେ ପହଁଚିପାରେ ।
ଯଦି ଆମେ ବର୍ତ୍ତମାନର ଫର୍ମ କଥା କହିବା ତେବେ ରାହୁଲ ଏହି ଦୌଡରେ ଧୱନଙ୍କୁ ପଛରେ ପକାଇ ଦେବେ କିନ୍ତୁ ଅଷ୍ଟ୍ରେଲିଆ ବିପକ୍ଷରେ ସୀମିତ ଓଭରରେ ଧୱନଙ୍କ ରିକେର୍ଡ ସାନ୍ଦାର ରହିଛି । ଦୁଇ ଦଳ ମଧ୍ୟରେ ୱାନଡେ ମ୍ୟାଚ୍ ର ବିଶ୍ୱ କପ୍ ରେ ଗତ ମୁକାବତଲା ଅବସରରେ ଧୱନ ଶତକ କରି ଭାରତକୁ ବିଜୟ କରାଇଥିଲେ ।
