ମେଲବର୍ଣ୍ଣ (ଏଟିଆର ବ୍ୟୁରୋ); ତୃତୀୟ ଟେଷ୍ଟରେ ଭାରତୀୟ ବୋଲର ଚମକ୍ରାର ବୋଲିଂ ଆଗରେ ଧରାଶାୟୀ ହୋଇଛନ୍ତିି କଙ୍ଗାରୁ ବ୍ୟାଟ୍ସ ମ୍ୟାନ । ମାତ୍ର ୧୫୧ ରନରେ ଅଲଆଉଟ ହୋଇ ଯାଇଛି ଅଷ୍ଟ୍ରେଲିଆ । ଭାରତୀୟ ଦଳ ପକ୍ଷରୁ ଜଶପ୍ରିତ ବୁମରା ୬ଟି ୱିକେଟ ନେଇ ଘରୋଇ ଦଳକୁ ସଂକଟରେ ପକେଇ ଦେଇଛି । ବୁମରାଙ୍କ ସହ ସାଥ ଦେଇ ଜାଡେଜା ୨ଟି,ଇଶାନ୍ତ ଗୋଟିଏ ଏବଂ ସାମି ଗୋଟିଏ ୱିକେଟ ନେବାରେ ସଫଳ ହୋଇଛନ୍ତି ।
ସେପଟେ ଅଷ୍ଟ୍ରେଲିଆ ଦଳ ପକ୍ଷରୁ ଟିମ ପାଇନ ଏବଂ ହରିଷ ସର୍ବାଧିକ ୨୨ ରନ କରିଥିବା ବେଳେ ବାକି ଖେଳାଳି ୨୦ ତଳକୁ ସ୍କୋର କରିଛନ୍ତି । ୪ଟି ଟେଷ୍ଟ ମ୍ୟାଚ ବିଶିଷ୍ଟ ସିରିଜରେ ୧-୧ରେ ବରାବର ଥିବାରୁ ଏହି ମ୍ୟାଚ ଉପରେ ସମସ୍ତଙ୍କ ନଜର ରହିଥିଲା । ତେବେ ଭାରତୀୟ ବୋଲରମାନେ ଚମକ୍ରାର ବୋଲିଂ କରି ଭାରତୀୟ କ୍ରିକେଟ ପ୍ରେମୀଙ୍କ ମନ ଜିଣି ନେଇଛନ୍ତି । ଏପଟେ ଭାରତ ତାର ଦ୍ୱିତୀୟ ପାଳି ବ୍ୟାଟିଂ ଆରମ୍ଭ କରିଦେଇଛି । ରିପୋର୍ଟ ଲେଖାଯିବା ପର୍ଯ୍ୟନ୍ତ ଭାରତ ୧୮ ରନ କରି ପାରିଛି । ଏହି ୧୮ ରନ ସହାୟତାରେ ଭାରତ ଅଷ୍ଟ୍ରେଲିଆ ଠାରୁ ୩୧୦ ରନ ଆଗରେ ରହିଛି ।
