ନୂଆଦିଲ୍ଲୀ (ଏଟିଆର ବ୍ୟୁରୋ): ଜାରି ରହିଛି ଭାରତୀୟ ପ୍ରିମିୟମ ଲିଗ୍ (ଆଇପିଏଲ) ୨୦୧୯ । ଇତି ମଧ୍ୟରେ ମୁମ୍ବାଇ ଇଣ୍ଡିଆନ୍ସ ଏବଂ ଚେନ୍ନାଇ ସୁପର କିଙ୍ଗସ ମଧ୍ୟରେ ମୁହାଁ ମୁହିଁ ହୋଇଥିଲା । ଏଥିରେ ବାଜି ମାରି ନେଇଥିଲା ମୁମ୍ବାଇ ଇଣ୍ଡିଆନ୍ସ । ଏହି ମ୍ୟାଚ୍ ରେ ରୋହିତ ଶର୍ମାଙ୍କ ଝିଅ ସମାୟରା ବି ତାଙ୍କ ବାପାଙ୍କୁ ଚିଅରଅପ୍ କରିବା ପାଇଁ ଷ୍ଟାଡିୟମରେ ପହଁଚିଥିଲେ । ଏହି ସମୟର ଏକ ଫଟୋ ମୁମ୍ବାଇ ଇଣ୍ଡିଆନ୍ସର ଇଂଷ୍ଟାଗ୍ରାମ ଆକାଉଣ୍ଟରେ ଶେୟାର କରାଯାଇଛି । ଏହି ଫଟୋରେ ସମାୟରା ତାଙ୍କ ବାପାଙ୍କ କାନ୍ଧରେ ମୁଣ୍ଡ ରଖି ଶୋଇଥିବାର ନଜର ଆସୁଛନ୍ତି । ଏହାସହିତ ଏଥିରେ ସେ ଖୁବ୍ କ୍ୟୁଟ୍ ଦେଖାଯାଉଛନ୍ତି ।
ଏହାପୂର୍ବରୁ ଦିଲ୍ଲୀ କ୍ୟାପିଟାଲ ସହିତ ଖେଳାଯାଇଥିବା ମ୍ୟାଚ୍ ରେ ସମାୟରା ତାଙ୍କ ବାପାଙ୍କୁ ଚିଅରଅପ୍ କରିବା ପାଇଁ ମା’ ରିତିକା ସହିତ ଷ୍ଟାଡିୟମକୁ ଆସିଥିଲେ ।
ଭାରତୀୟ କ୍ରିକେଟ ଦଳର ‘ହିଟମ୍ୟାନ୍’ ରୋହିତ ଶର୍ମା ଗତ ବର୍ଷ ଡିସେମ୍ବର ମାସ ଶେଷ ସପ୍ତାହରେ ପିତା ହୋଇଥିଲେ । ରୋହିତ ଏବଂ ରିତିକା ତାଙ୍କ ଲାଡଲୀ ଝିଅର ନାଁ ସମାୟରା ଦେଇଥିଲେ ।
