ନୂଆଦିଲ୍ଲୀ (ଏଟିଆର ବ୍ୟୁରୋ): ଆଜିଠୁ ୟୁଏଇରେ ଆଇପିଏଲ ୧୪ର ଦ୍ୱିତୀୟ ପର୍ଯ୍ୟାୟ ଆରମ୍ଭ ହେବାକୁ ଯାଉଛି । ସନ୍ଧ୍ୟା ସାଢେ ସାତଟାରେ ଇଂଟରନାସନାଲ କ୍ରିକେଟ ଷ୍ଟାଡିୟମରେ ଚେନ୍ନାଇ ସୁପର କିଙ୍ଗ୍ସ ଏବଂ ମୁମ୍ବାଇ ଇଣ୍ଡିଆନ୍ସ ମଧ୍ୟରେ ପ୍ରଥମ ମୁକାବିଲା ହେବ । ଦୁଇଟି ଦଳ ମଧ୍ୟରେ ରୋମାଞ୍ଚକର ମୁକାବିଲା ହେବାର ସମ୍ଭାବନା ରହିଛି । ପାଖାପାଖି ଏକ ମାସ ଯାଏଁ ଚାଲିବ ଆଇପିଏଲର ଦ୍ୱିତୀୟ ଫେଜ୍ । ସେହିପରି ଆଇପିଏଲ ୨୦୨୧ର ଫାଇନାଲ ମ୍ୟାଚ ଅକ୍ଟୋବର ୧୫ରେ ଖେଳାଯିବ ।
ଏହାପୂର୍ବରୁ ଭାରତରେ ଆଇପିଏଲ ୧୪ର ପ୍ରଥମ ଫେଜ୍ ରେ ମୁମ୍ବାଇ ଏବଂ ଚେନ୍ନାଇ ମଧ୍ୟରେ ପ୍ରଥମ ମୁକାବିଲା ହୋଇଥିଲା । ଏଥିରେ ରୋହିତ ଶର୍ମାଙ୍କ ଅଧ୍ୟକ୍ଷତାରେ ବାଜି ମାରି ନେଇଥିଲା ମୁମ୍ବାଇ । ଅବଶ୍ୟ ଏପର୍ଯ୍ୟନ୍ତ ଏମଏସ ଧୋନୀଙ୍କ ଅଧ୍ୟକ୍ଷତାରେ ଚେନ୍ନାଇର ପ୍ରଦର୍ଶନ ଭଲ ରହିଛି । ପ୍ରଥମ ଫେଜ୍ ରେ ସାତଟି ମ୍ୟାଚରୁ ପାଞ୍ଚଟି ମ୍ୟାଚରେ ବାଜି ମାରିଥିଲା ଦଳ ।
ଆଜିର ଚେନ୍ନାଇ ଏବଂ ମୁମ୍ବାଇ ମଧ୍ୟରେ ହେବାକୁ ଥିବା ମ୍ୟାଚ ପାଇଁ ଷ୍ଟାର ଇଣ୍ଡିଆ ନେଟୱର୍କ ପାଖରେ ରହିଛି ବ୍ରଡକାଷ୍ଟିଙ୍ଗ ରାଇଟ୍ସ । ଆପଣ ଷ୍ଟାର ସ୍ପୋର୍ଟସରେ ଏହି ମ୍ୟାଚ ଦେଖି ପାରିବେ । ସବୁଠୁ ଖାସ୍ କ୍ା ହେଉଛି ଏଥରକ ଷ୍ଟାର ଇଣ୍ଡିଆ ଚ୍ୟାନେଲରେ ଆଠଟି ଅଲଗା ଅଲଗା ଭାଷାରେ ମ୍ୟାଚ୍ ଦେଖି ପାରିବେ ।
