ନୂଆଦିଲ୍ଲୀ (ଏଟିଆର ବ୍ୟୁରୋ): ହିରୋ ଇଣ୍ଡିଆ ସୁପର ଲିଗ (ଆଇଏସଏଲ) ର ଷଷ୍ଠ ସିଜିନ୍ ଫାଇନାଲ ମୁକାବିଲା ପାଇଁ ଟିକେଟ ବିକ୍ରି ସୋମବାରଠାରୁ ଆରମ୍ଭ ହେବ । ଭାରତୀୟ ଫୁଟବଲ୍ ର ଏହି ବଡ ଲିଗ୍ ର ଫାଇନାଲ ମାର୍ଚ୍ଚ ୧୪ ତାରିଖରେ ଗୋଆର ଫାତୋର୍ଦାର ଜବାହାରଲାଲ ନେହେରୁ ଷ୍ଟାଡିୟମରେ ଖେଳାଯିବ ।
ଏହାପୂର୍ବରୁ ଫୁଟବଲ ପ୍ରେମୀଙ୍କ ପାଇଁ ଆୟୋଜକଙ୍କ ପକ୍ଷରୁ ବିଶେଷ ପ୍ୟାକେଜ୍ ଲଞ୍ଚର ଘୋଷଣା କରାଯାଇଛି । ସେହି ଅନୁଯାୟୀ ଶନିବାର ଦିନ ସକାଳ ୧୦ଟାରୁ ୪ ହଜାର ଟିକେଟ ବ୍ରିକି ହୋଇଛି । ଯାହା ନର୍ଥ ଲୋୟର ଏବଂ ସାଉଥ୍ ଲୋୟର ଷ୍ଟାଣ୍ଡସ୍ ପାଇଁ ରହିଛି । ଏହି ଟିକେଟର ମୂଲ୍ୟ ୪୦୦ ଟଙ୍କା ରଖାଯାଇଛି ।
ଆଇଏସଏଲ-୬ ର ଫାଇନାଲ କାହା କାହା ମଧ୍ୟରେ ହେବ ତାହାର ନିଷ୍ପତି ରବିବାର ଦିନ କରାଯିବ । ଶନିବାର ଚେନ୍ନାଇୟନ ଏଫସି ଏବଂ ଏଫସି ଗୋଆ ମଧ୍ୟରେ ପ୍ରଥମ ସେମିଫାନାଲର ଦ୍ୱିତୀୟ ଲିଗ୍ ଆୟୋଜିତ ହେବ । ସେହିପରି ରବିବାର ଦିନ ଦ୍ୱିତୀୟ ସେମିଫାଇନାଲର ଦ୍ୱିତୀୟ ଲିଗ୍ ଆୟୋଜିତ ହେବ ।
