ନୂଆଦିଲ୍ଲୀ (ଏଟିଆର ବ୍ୟୁରୋ): ବଲିଉଡ ଅଭିନେତା ସାହିଦ କପୁରଙ୍କ ଆଗାମୀ ଫିଲ୍ମ ‘ଜର୍ସି’ ର ଟ୍ରେଲର ରିଲିଜ୍ ହୋଇଯାଇଛି । ଯେଉଁଥିରେ କ୍ରିକେଟ ପ୍ରତି ଜୁନୁନ୍ ଏବଂ ପାଗଳପଣ ଭୂମିକାରେ ସାହିଦ ଅଭିନୟ କରିଛନ୍ତି । ଏଥିରେ ସାହିଦଙ୍କ ପିତା ପଙ୍କଜ କପୁର ଜଣେ କ୍ରିକେଟ କୋଚ୍ ଭୂମିକାରେ ନଜର ଆସିବେ । ଏହାସହିତ ଅଭିନେତ୍ରୀ ମୃଣାଳ ଠାକୁରଙ୍କୁ ମଧ୍ୟ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ମିଳିବ । ଫିଲ୍ମଟି ୩୧ ଡିସେମ୍ବର ୨୦୨୧ ରେ ପ୍ରେକ୍ଷାଳୟରେ ମୁକ୍ତିଲାଭ କରିବ ।
ସୋସିଆଲ ମିଡିଆରେ ‘ଜର୍ସି’ ର ଟ୍ରେଲରକୁ ଦର୍ଶକ ଖୁବ୍ ପସନ୍ଦ କରିବା ସହ ଟ୍ରେଲର ରିଲିଜ୍ ହେବାର କିଛି ମିନିଟ୍ ମଧ୍ୟରେ ୧୦ ଲକ୍ଷ ୟୁଜର୍ସ ଟପିଗଲାଣି । ଏହା ତେଲୁଗୁ ଫିଲ୍ମର ହିନ୍ଦୀ ରିମେକ ଅଟେ । ଏହାକୁ ନିର୍ଦ୍ଦେଶନା ଦେଇଛନ୍ତି ଗୌତମ ତିନାନୁରୀ । ଫିଲ୍ମଟି ଏକ କ୍ରିକେଟର ଏବଂ କୋଚଙ୍କ ଜୀବନ କାହାଣୀ ଉପରେ ଆଧାରିତ ।
