ପୁରୀ (ଏଟିଆର ବ୍ୟୁରୋ): ପୁରୀ ବ୍ଲୁ ଫ୍ଲାଗ ବିଚ୍ ରେ ଆସନ୍ତା ଏପ୍ରିଲ ୧ ତାରିଖରୁ ତିନି ଦିନିଆ ରାଜ୍ୟସ୍ତରୀୟ କବାଡି ଚମ୍ପିୟନସିପ-୨୦୨୨ ଅନୁଷ୍ଠିତ ହେବାକୁ ଯାଉଛି । ଜିଲ୍ଲା ପ୍ରଶାସନ ଓ ଓଡିଶା କବାଡି ମହାସଂଘ ର ମିଳିତ ସହଯୋଗରେ ଆୟୋଜନ ହେଉଛି ଏହି ଚମ୍ପିୟାନସିପ୍ ।
ଏଥିରେ ମୋଟ ୨୬ ଟି ମ୍ୟାଚ ଖେଳାଯିବ । ଅପରାହ୍ନ ସାଢେ ୪ଟାରୁ ସାଢେ ୯ଟା ଯାଏଁ ମ୍ୟାଚ ଖେଳାଯିବ । ମ୍ୟାଚ ପାଇଁ ପୁରୁଷ ବିଭାଗରେ କଟକ ଓଡିଶା ପୋଲିସ, ସମ୍ବଲପୁର, ନୂଆପଡା, ଢେଙ୍କାନାଳ, ଭୁବନେଶ୍ୱର, ପୁରୀ, ରାଉଲକେଲା ଷ୍ଟିଲ ପ୍ଲାଣ୍ଟ ଏବଂ ଅନୁୁଗୁଳ ଭାଗ ନେବେ । ସେହିପରି ମହିଳା ବିଭାଗରେ ପୂର୍ବତଟ ରେଳବାଇ, ଢେଙ୍କାନାଳ, କଟକ, କେନ୍ଦ୍ରାପଡା, ଯାଜପୁର, ପୁରୀ ଓ କିଟ ବିଶ୍ୱବିଦ୍ୟାଳୟ ଭାଗ ନେବେ ।
