ନୂଆଦିଲ୍ଲୀ (ଏଟିଆର ବ୍ୟୁରୋ): ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ତିନି ମ୍ୟାଚ୍ ବିଶିଷ୍ଟ ଟି୨୦ ସିରିଜ୍ ଆୟୋଜିତ ହେବ । କିନ୍ତୁ କରୋନା ଭାଇରସ ପାଇଁ ବିସିସିଆଇ ପକ୍ଷରୁ ଆଇପିଏଲ ୨୦୨୦ ର ୧୩ତମ ସିଜିନ୍ କୁ ଏପ୍ରିଲ ପର୍ଯ୍ୟନ୍ତ ସ୍ଥଗିତ କରାଯାଇଛି । ଇତିମଧ୍ୟରେ ଭାରତ ଓ ଅଷ୍ଟ୍ରେଲିଆ ମଧ୍ୟରେ ହେବାକୁ ଥିବା ଟି୨୦ ସିରିଜ୍ କେବେ ହେବ ସେନେଇ ତାରିଖ ଘୋଷଣା ହୋଇଛି ।
ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ଟି୨୦ ମ୍ୟାଚ୍ ୧୧ ଅକ୍ଟୋବରରେ ଆରମ୍ଭ ହେବ । ସେହିପରି ଶେଷ ମ୍ୟାଚ୍ ଅକ୍ଟୋବର ୧୬ ରେ ଖେଳାଯିବ । ଏହି ମୁକାବିଲା ଲାଇଭ ପ୍ରସାରଣ ଆପଣ ଷ୍ଟାର ସ୍ପୋର୍ଟ୍ସ ନେଟୱାର୍କ, ହଟଷ୍ଟାର ଏବଂ ଜିଓ ଟିଭିରେ ଦେଖିପାରିବେ ।
ଏହି ସିରିଜ୍ ପାଇଁ ଭାରତର ସମ୍ଭାବିତ ଟିମ୍ ବିରାଟ କୋହଲି, ରୋହିତ ଶର୍ମା, ଶିଖର ଧୱନ, ଲୋକେଶ ରାହୁଲ, ଶ୍ରେୟସ ଆୟର, ମନୀଷ ପାଣ୍ଡେ, ହାର୍ଦ୍ଦିକ ପାଣ୍ଡ୍ୟା, ମହେନ୍ଦ୍ର ସିଂ ଧୋନୀ, ରବିନ୍ଦ୍ର ଜାଡେଜା, ସୁରେଶ ରାଇନା, ୟୁଜବେନ୍ଦ୍ର ଚହଲ, କୁଲଦୀପ ଯାଦବ, ଯଶପ୍ରୀତ ବୁମରାହା, ମହମ୍ମଦ ସାମୀ ଏବଂ ଦୀପକ ଚହର ।
