ଚେନ୍ନାଇ (ଏଟିଆର ବ୍ୟୁରୋ); ଧନୀ କ୍ରିକେଟ ଲିଗରେ ଧୋନୀଙ୍କ ନୂଆ ରେକର୍ଡ । ଆଇପିଏଲରେ ଅଧିନାୟକ ଭାବରେ ୧୦୦ ମ୍ୟାଚ ବିଜୟ ହୋଇ ଏକ ଅଲୋଡା ରେକର୍ଡ ସ୍ଥାପନ କରିଛନ୍ତି କ୍ୟାପଟେନ କୁଲ । ତିନିଥର ଚାମ୍ପିୟନ ହୋଇଥିବା ଚେନ୍ନାଇର ଅଧିନାୟକ ମହେନ୍ଦ୍ର ସିଂହ ଧୋନୀଙ୍କ ଏହି ନୂଆ କିର୍ତ୍ତୀମାନ ପାଇଁ ତାଙ୍କ ନିକଟକୁ ବହୁ ଶୁଭେଛାର ସୁଅ ଛୁଟିଛି । ଗୁରୁବାର ରାଜସ୍ଥାନ ହାତରୁ ମ୍ୟାଚ ଝାମ୍ପିଆଣିବା ପରେ ଧୋନୀ ଏହି ନୂଆ ରେକର୍ଡ ସ୍ଥାପନ କରିଛନ୍ତି । ଧୋନୀ ୧୬୬ଟି ମ୍ୟାଚରେ ଅଧିନାୟକ କରିଥିବା ବେଳେ ୧୦୦ ବିଜୟ ହୋଇଛନ୍ତି ।
ଧୋନୀଙ୍କ ପଛକୁ ରହିଛନ୍ତି କୋଲକାତାର ପୂର୍ବ ଅଧିନାୟକ ଗୌତମ ଗମ୍ଭୀର । ସେ ୧୨୯ ମ୍ୟାଚରେ ଅଧିନାୟକ କରିଥିବା ବେଳେ ୭୧ଟି ମ୍ୟାଚ ବିଜୟ ହୋଇଛନ୍ତି । ସେ ଧୋନୀଙ୍କଠାରୁ ମାତ୍ର ୨୯ଟି ବିଜୟ ପଛରେ ଅଛନ୍ତି । କିନ୍ତୁ ସେ ଚଳିତ ବର୍ଷ କ୍ରିକେଟ ଜଗତରୁ ସନ୍ୟାସ ନେଇସାରିଲେଣି । ଏଣୁ ଧୋନୀଙ୍କ ଏହି ରେକର୍ଡ ଭାଙ୍ଗିବା ପାଇଁ ତୃତୀୟ ସ୍ଥାନରେ ରହିଛନ୍ତି କୋହଲି । ସେ ୧୦୨ ମ୍ୟାରୁ ୪୪ଟି ବିଜୟ ହୋଇଛନ୍ତି । ତେବେ ଧୋନୀଙ୍କ ଏହି ରେକର୍ଡକୁ ପିଛା କରିବା ପାଇଁ ବିରାଟଙ୍କୁ ୪ ବର୍ଷ ଲାଗିଯାଇପାରେ ବୋଲି ଅନୁମାନ କରୁଛନ୍ତି କ୍ରିକେଟ ବିଶେଷଜ୍ଞ । ତେବେ ଧୋନୀ ଆଉ ମାତ୍ର ଗୋଟିଏ ବର୍ଷ ମଧ୍ୟରେ ଅବସର ଘୋଷଣା କରିପାରନ୍ତି ବୋଲି ମଧ୍ୟ ଚର୍ଚ୍ଚା ହେଉଛି । ତେବେ ଏହି ରେକର୍ଡ ଆହୁରିୀ କିଛିଦିନ ରହିବ ବୋଲି ମଧ୍ୟ ଅନୁମାନ କରାଯାଉଛି ।
