ଇଣ୍ଡୋର (ଏଟିଆର ବ୍ୟୁରୋ); ସୟଦ ମୁଷ୍ଟାକ ଅଲ୍ଲି ଟ୍ରଫିରେ ପଞ୍ଜାବକୁ ୩୫ ରନରେ ହରାଇଛି ମୁମ୍ବାଇ । ରାହାଣେଙ୍କ ନେତୃତ୍ୱରେ ଖେଳୁଥିବା ମୁମ୍ବାଇ ପ୍ରଥମେ ବ୍ୟାଟିଂ କରି ନିର୍ଦ୍ଧାରିତ ୨୦ ଓଭର ମଧ୍ୟରେ ୧୫୫ ରନ କରିବାରେ ସକ୍ଷମ ହୋଇଥିଲା । ଦଳ ପକ୍ଷରୁ ସୂର୍ଯ୍ୟକୁମାର ଯାଦବ ୮୦ ଏବଂ ଶ୍ରେୟସ ଆୟାର ୪୬ ରନ କରିଥିଲେ । ଏହି ଦୁଇ ବଡ ସ୍କୋର କରିଥିଲେ । ତାଙ୍କ ପଛକୁ ଆଦିତ୍ୟ ତାରେ ୧୦ ରନ କରିଥିଲେ । ମାତ୍ର ଦଳର ଅନ୍ୟ କୌଣସି ବି ଖେଳାଳି ଦୁଇ ଅଙ୍କ ଛୁଇଁ ନାହାଁନ୍ତି । ପଞ୍ଜାବର ବୋଲିଂ ଲାଇନ ବହୁତ ଭଲ ଥିଲା । ଦଳ ପକ୍ଷରୁ ବରନ୍ଦର ଶରଣ ୩ଟି,ବଲଜେଟ ସିଂହ ୩ଟି,ସନ୍ଦୀପ ଶର୍ମା ୨ଟି ଏବଂ ମନପ୍ରିତ ଗୋନୀ ଗୋଟିଏ ୱିକେଟ ନେଇଥିଲେ । ତେବେ ଏହି ସ୍କୋରକୁ ପଞ୍ଜାବ ଚେଜ କରିଦେବ ବୋଲି ସମସ୍ତେ ଭାବିଥିଲେ ।
୧୫୬ ରନକୁ ପିଛା କରିବାକୁ ଯାଇ ତାରକା ଖଚିତ ପଞ୍ଜାବ ବ୍ୟାଟ୍ସମ୍ୟାନମାନେ ମୁମ୍ବାଇ ବୋଲରଙ୍କ ଆଗରେ ଧରାଶାୟୀ ହୋଇଥିଲେ । ପଞ୍ଜାବ ମାତ୍ର ୧୨୦ ରନରେ ଅଲଆଉଟ ହୋଇ ଯାଇଥିଲା । ଦଳ ପକ୍ଷରୁ ପ୍ରସିମଣ ସିଂହ ୫୪ ରନ କରିଥିଲେ । ଏବଂ ତାଙ୍କ ପଛକୁ ଗୁରକିରତମାନ ସିଂହ ୨୪ ରନ କରିଛନ୍ତି । ମାତ୍ର ଆଉ କୌଣସି ବି ଖେଳାଳି ଦୁଇ ଅଙ୍କ ଛୁଇଁ ନାହାଁନ୍ତି । ଯୁବରାଜ ସିଂହ ୧୧ଟି ବଲ ସମୁଖୀନ ହୋଇଥିଲେ ମଧ୍ୟ ମାତ୍ର ୭ ରନ କରିଥିଲେ । ଦଳର ଅଧିନାୟକ ହରଭଜନ ସିଂହ ମଧ୍ୟ କୌଣସି ଯାଦୁ ଦେଖାଇ ପାରି ନଥିଲେ । ଫଳରେ ଦଳ ସ୍ୱଚନୀୟ ପରାଜୟ ହୋଇଥିଲା ।
ମୁମ୍ବାଇର ସମସ୍ତ ବୋଲର ଭାଗ ବାଣ୍ଟି ୱିକେଟ ନେଇ ଯାଇଥିଲେ । ଦଳ ପକ୍ଷରୁ ଧାୱଲ କୁଲକର୍ଣ୍ଣୀ ସର୍ବାଧିକ ୪ଟି ୱିକେଟ ଅକ୍ତିଆର କରିଥିବା ବେଳେ ଶୁଭମ ୨ଟି,ଶ୍ରାଦ୍ଧୁଳ ଠାକୁର ଗୋଟିଏ,ତୁସାର ଗୋଟିଏ ଏବଂ ମୁନାଲି ଗୋଟିଏ ୱିକେଟ ନେଇଛନ୍ତି ।
