ମାଉଣ୍ଟମୌଙ୍ଗୁଲି(ଏଟିଆର ବ୍ୟୁରୋ): ନ୍ୟୁଜିଲାଣ୍ଡ ବିପକ୍ଷରେ ଭାରତର ଆଜି ଶେଷ ଟି-୨୦ ମ୍ୟାଚ ।ଏହି ମ୍ୟାଚ ପାଇଁ ଭାରତ ଟସ ଜିତି ବ୍ୟାଟିଙ୍ଗ କରିବା ପାଇଁ ନିଷ୍ପତି ନେଇଛି । ଏହି ସିରିଜର ପୁର୍ବ ୪ଟ ଯାକ ମ୍ୟାଚ ଭାରତ ଜିତିଥିବା ବେଳେ ଶେଷ ଦୁଇଟି ମ୍ୟାଚରେ ଅତି ରୋମାଞ୍ଚକର ଭାବେ ବିଜୟ ହୋଇ ଭାରତୀୟ କ୍ରିକେଟ ଟିମ ଦର୍ଶକଙ୍କ ହୃଦୟ ଜିଣିଥିଲେ ।
ଭାରତ ଓ ନ୍ୟୁଜିଲାଣ୍ଡ ମଧ୍ୟରେ ଆଜି ମାଉଣ୍ଟମୌଙ୍ଗୁଲି ସ୍ଥିତ ବେଓଭାଲରେ ଟି-୨୦ ସିରିଜର ଅନ୍ତିମ ମୁକାବିଲା ଖେଳାଯିବ । ଶେଷ ମ୍ୟାଚରେ ନ୍ୟୁଜିଲାଣ୍ଡକୁ କ୍ଳିନ ସୁଇପ କରିବାକୁ ଭାରତୀୟ ଟିମ ଲକ୍ଷ୍ୟ ରଖିଥିବା ବେଳେ ନିଜ ଆତ୍ମସମ୍ମାନ ବଜାୟ ରଖିବା ପାଇଁ ନ୍ୟୁଜିଲାଣ୍ଡ ମଧ୍ୟ ଏହି ମ୍ୟାଚକୁ କଳେବଳେ କୌଶଳେ ଜିତିବାକୁ ଚେଷ୍ଟା କରିବ ।
