ଭୁବନେଶ୍ୱର (ଏଟିଆର ବ୍ୟୁରୋ): ୨୦୨୩ ହକି ବିଶ୍ୱକପ ପାଇଁ ଘୋଷିତ ହେଲା ଖେଳସୂଚୀ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଏହି ଖେଳସୂଚୀ ଜାରି କରିଛନ୍ତି । ଏହି ଅବସରରେ କ୍ରୀଡାମନ୍ତ୍ରୀ ତୁଷାରକାନ୍ତି ବେହେରା , ମୁଖ୍ୟ ଶାସନ ସଚିବ ସୁରେଶ ମହାପାତ୍ର, ଏଫଆଇଏଚ ର କାର୍ଯ୍ୟକାରୀ ସଭାପତି ଓ ସଦସ୍ୟମାନେ ପ୍ରମୁଖ ଉପସ୍ଥିତ ଥିଲେ ।
ଖେଳସୂଚୀ ଅନୁଯାୟୀ, ମୋଟ ୪ଟି ପୁଲ୍ ଅର୍ଥାତ(ଏ,ବି,ସି,ଡି) ରେ ଖେଳିବେ ୧୬ଟି ଟିମ୍ । ପୁଲ୍ ଏ ରେ ଅଷ୍ଟ୍ରେଲିଆ, ଆର୍ଜେଣ୍ଟିନା, ଫ୍ରାନ୍ସ, ଦକ୍ଷୀଣ ଆଫ୍ରିକା । ପୁଲ୍ ବି ରେ ବେଲଜିୟମ, ଜର୍ମାନୀ, କୋରିଆ, ଜାପାନ ରହିଥିବା ବେଳେ ପୁଲ୍ ସି ରେ ନେଦରଲ୍ୟାଣ୍ଡ, ନ୍ୟୁଜିଲାଣ୍ଡ, ମାଲେସିଆ, ଚିଲି ଏବଂ ପୁଲ ଡି ରେ ଭାରତ, ଇଂଲଣ୍ଡ, ସ୍ପେନ୍ , ୱେଲ୍ସ ରହିଛନ୍ତି ।
