ମୋହାଲି (ଏଟିଆର ବ୍ୟୁରୋ); ବିଶ୍ୱର ସବୁଠାରୁ ଧନୀ କ୍ରିକେଟ ଲିଗ ଆଇପିଏଲରେ ଆଜି ଏକ ହାଇଭୋଲଟେଜ ମ୍ୟାଚ ଅନୁଷ୍ଠିତ ହେବାକୁ ଯାଉଛି । ଆଜି ପଞ୍ଜବାକୁ ଭେଟିବା ପାଇଁ ଯାଉଛି ହାଇଦ୍ରାବାଦ । ଚଳିତ ସଂସ୍କରଣର ପ୍ରଥମରୁ କେବଳ ବାଙ୍ଗାଲୋରକୁ ଛାଡିଦେଲେ ବାକି ଦଳ ବିଜୟ ସ୍ୱାଦ ଛାଖିବା ସହିତ ଦମଦାର ଫର୍ମରେ ରହିଛନ୍ତି । ଏଣୁ ପ୍ରତ୍ୟେକ ମ୍ୟାଚ ସଂଘର୍ଷପୂର୍ଣ୍ଣ ହେଉଛି । ତେବେ ଆଜିର ମ୍ୟାଚରେ ଯଦି ହାଇଦ୍ରାବାଦ ବିଜୟୀ ହୁଏ ତେବେ ଦଳ ପଏଣ୍ଟ ଟେବୁଲରେ ଥିବା ତିନି ନମ୍ବର ସ୍ଥାନ ବଜାୟ ରଖିବ । ଅପରପକ୍ଷରେ ପଞ୍ଜବା ଯଦି ଆଜିର ମ୍ୟାଚ ବିଜୟ ହୁଏ ତେବେ ପଏଣ୍ଟ ଟେବୁଲରେ ଥିବା ଷଷ୍ଠ ସ୍ଥାନରୁ ସିଧା ତିନି ନମ୍ବର ସ୍ଥାନକୁ ଲମ୍ଫ ମାରିବ ।
ଉଭୟ ଦଳ ପାଇଁ ମ୍ୟାଚ ଗୁରୁତ୍ୱପୂର୍ଣ୍ଣ ଥିବାରୁ ମ୍ୟାଚଟି ହାଇଭୋଲଟେଜ ହେବ ବୋଲି ଆଶା ରଖିଛନ୍ତି କ୍ରିକେଟ ପ୍ରେମୀ । ଦୁଇ ଦଳର ଖେଳାଳିମାନେ ଫୁଲ ଫର୍ମରେ ରହିଛନ୍ତି । ଉଭୟ ଦଳ ପୂର୍ବରୁ ନିଶ୍ଚିନ୍ତ ହାରିବା ମ୍ୟାଚକୁ ମଧ୍ୟ ଜିତି ଯାଇଛନ୍ତି । ଦିଲ୍ଲୀ ବିପକ୍ଷରେ ପଞ୍ଜାବ ହାତରୁ ଖସି ଯାଇଥିବା ମ୍ୟାଚ ଶେଷ ସମୟରେ ହାତରୁ ଛଡାଇ ଆଣିଥିଲା ଦଳ । ଅପରପକ୍ଷରେ ହାଇଦ୍ରାବାଦର ରସିଦ ଖାନ ଏବଂ ନବିଙ୍କ ବୋଲିଂ ଦଳର ବଡ ପ୍ଳସ ପଏଣ୍ଟ । ବ୍ୟାଟିଂରେ ଡେଭିଡ ୱାର୍ଣ୍ଣର ଦଳ ପାଇଁ ବୁଝିଶୁଝି ବଡ ସ୍କୋର କରୁଛନ୍ତି । ଏବେ ସେ ଅରେଞ୍ଜ କ୍ୟାପ ଲିଷ୍ଟର ଉପରେ ରହିଛନ୍ତି ।
