ନୂଆଦିଲ୍ଲୀ (ଏଟିଆର ବ୍ୟୁରୋ); ଉଚ୍ଚ କୋଟିର ବ୍ୟାଟିଂ ମାଧ୍ୟମରେ କ୍ରିକେଟ ପ୍ରେମୀଙ୍କୁ ବାନ୍ଧି ରଖିଥିବା ଭାରତୀୟ ବାମହାତୀ ବ୍ୟାଂସମ୍ୟାନ ପନ୍ଥଙ୍କୁ ନେଇ ସୋସିଆଲ ମହିଡିଆରେ ଭାଇରାଲ ହେବାରେ ଲାଗିଛି । ପନ୍ଥ ନିଜର ଟ୍ୱିଟର ପେଜରେ ପ୍ରେମିକା ଇଶା ନେଗିଙ୍କ ସହ ଫଟୋ ପୋଷ୍ଟ କରିଛନ୍ତି । ଏଥିରେ ସେ ଲେଖିଛନ୍ତି ‘ମୁଁ ତୁମକୁ ଖୁସିରେ ରଖିବାକୁ ଚାହୁଁଛି କାରଣ ତମେ ମୋ ଖୁସିର କାରଣ’ । ତେବେ ସମାନ ଫଟୋକୁ ଇଶା ମଧ୍ୟ ନିଜ ପେଜରେ ଛାଡିଛନ୍ତି । ସେ ନିଜର ପୋଷ୍ଟରେ ଲେଖିଛନ୍ତି ‘ମୋ ମନର ମଣିଷ ମୋର ସବୁଠାରୁ ଭଲ ବନ୍ଧୁ,ମୋ ଜୀବନର ପ୍ରେମ ଋଷଭ ପନ୍ଥ ।
ଦୁହିଁଙ୍କର ଏହି ପୋଷ୍ଟ ଏବେ ସୋସିଆଲ ମିଡିଆରେ ବହୁତ ଭାଇରାଲ ହେବାରେ ଲାଗିଛି । ଉଭୟଙ୍କ ଯୋଡିକୁ ନେଇ ପ୍ରଂଶସକମାନେ ବହୁତ କମେଣ୍ଟ ଦେବା ସହ ଲାଇକ ମଧ୍ୟ କରିଥିବା ଦେଖିବାକୁ ମିଳିଛି । ନିକଟରେ ଅଷ୍ଟ୍ରେଲିଆରେ ଖେଳା ଯାଇଥିବା ଟେଷ୍ଟ ସିରିଜରେ ପନ୍ଥ ଦମଦାର ବ୍ୟାଟିଂ କରିଥିଲେ । ସେ ୭ ଟି ଇନିଂସରୁ ୩୫୦ ରନ କରିଥିବା ବେଳେ ଏଥିରେ ଏକ ଶତକ ରହିଛି । ସିଡନୀରେ ପନ୍ଥଙ୍କ ୧୫୯ ରନର ପାଳି ଖେଳି ଅପରାଜିତ ଥିଲେ । ଏହା ହେଉଛି ତାଙ୍କ ଆନ୍ତର୍ଜାତୀୟ କ୍ରିକେଟର ସବୋର୍ତମ ପାଳି ।
