ମୁମ୍ବାଇ (ଏଟିଆର ବ୍ୟୁରୋ): ଆଜି ଭାରତର ଟେନିସ୍ ତାରକା ସାନିିଆ ମିର୍ଜା ଏକ ପୁତ୍ର ସନ୍ତାନ ଜନ୍ମ ଦେଇଛନ୍ତି । ସାନିଆଙ୍କ ମୁଣ୍ଡରେ ଏବେ ଦୁଇଟି ବଡ ଦାୟିତ୍ୱ । ଗୋଟିଏ ପଟେ ଦେଶ ଆଉ ଗୋଟେ ପଟେ ପୁତ୍ର ସନ୍ତାନ । ପୁତ୍ର ସନ୍ତାନ ଜନ୍ମ ହେବା ପରେ ସାନିଆ ଏବଂ ସୋହେବଙ୍କ ପରିବାରରେ ଉତ୍ସବର ଲହରି ଖେଳି ଯାଇଛି । ଏହି ସମୟରେ ସାନିଆ ଏବଂ ସୋହେବଙ୍କ ପାଇଁ ଚାରିଆଡୁ ଛୁଟି ଆସୁଛି ଢେର ସାରା ଶୁଭେଚ୍ଛାର ବାର୍ତ୍ତା । ଏଥିମଧ୍ୟରେ ସବୁଠାରୁ ନିଆରା ଢଙ୍ଗରେ ଶୁଭେଚ୍ଛା ଜଣାଇଛନ୍ତି ଫିଲ୍ମ ନିର୍ମାତା ଫରହା ଖାନ୍ ।
ଫରହା ଖାନ୍ ତାଙ୍କ ଇଂଷ୍ଟାଗ୍ରାମ ଆକାଉଣ୍ଟରେ ଏକ ଆନିମେଟେଡ ଫଟୋ ପୋଷ୍ଟ କରି ସେଥିରେ ଲେଖିଛନ୍ତି କି ବେବି ମିର୍ଜା ମଲିକ ଇଜ୍ ହିୟର । ମୁଁ ମାଉସୀ ହୋଇଗଲି । ସେ ଆହୁରୀ ମଧ୍ୟ କହିଛନ୍ତି କି ଦୀର୍ଘ ଦିନ ପରେ ବହୁତ ଭଲ ଖବର ସାମ୍ନାକୁ ଆସିଛି । ଶୁଭକାମନା ସାନିଆ ଏବଂ ସୋହେବ ।
ଖବର ମୁତାବକ, ସାନିଆ ମିର୍ଜା ଏବଂ ଫରହା ଖାନ୍ ଙ୍କ ମଧ୍ୟରେ ଖୁବ୍ ଭଲ ସମ୍ପର୍କ ରହିଛି । ଅନେକ ସମୟରେ ଦୁହେଁ ବିଭିନ୍ନ ସୋ’ରେ ଏକାଠି ନଜର ଆସିଥାନ୍ତି ।
