ନୂଆଦିଲ୍ଲୀ (ଏଟିଆର ବ୍ୟୁରୋ): ବିରାଟ କୋହଲିଙ୍କ ଟେଷ୍ଟ ଅଧିନାୟକ ପଦରୁ ଇସ୍ତଫା ଦେବା ନେଇ ବିସିସିଆଇ ସଭାପତି ସୌରଭ ଗାଙ୍ଗୁଲି କହିଛନ୍ତି କି, ଏହା ତାଙ୍କର ବ୍ୟକ୍ତିଗତ ନିଷ୍ପତି ଏବଂ ବିସିସିଆଇ ଏହି ନିଷ୍ପତିକୁ ସମ୍ମାନ କରୁଛି । ଭବିଷ୍ୟତରେ ଦଳକୁ ନୂତନ ଉଚ୍ଚତାକୁ ଆଣିବା ପାଇଁ ବିରାଟ ଏକ ଗୁରୁତ୍ୱପୂର୍ଣ୍ଣ ସଦସ୍ୟ ହେବେ ବୋଲି ସେ କହିଛନ୍ତି ।
ଗତକାଲି ବିଳମ୍ବିତ ରାତିରେ ସୌରଭ ଗାଙ୍ଗୁଲି ଟ୍ୱିଟ କରି ଏହି ପ୍ରତିକ୍ରିୟା ଦେଇଛନ୍ତି । ବିରାଟଙ୍କ ନେତୃତ୍ୱରେ ଭାରତୀୟ କ୍ରିକେଟ ପ୍ରତ୍ୟେକ ଫର୍ମାଟରେ ଦ୍ରୁତ ଗତିରେ ଆଗକୁ ବଢିଛି । ଅଧିନାୟକ ପଦରୁ ଇସ୍ତଫା ଦେବା ତାଙ୍କର ବ୍ୟକ୍ତିଗତ ନିଷ୍ପତି ଏବଂ ବିସିସିଆଇ ଏହାକୁ ସମ୍ମାନ କରେ । ଭବିଷ୍ୟତରେ ଦଳକୁ ନୂତନ ଉଚ୍ଚତାକୁ ନେବା ପାଇଁ ସେ ଏକ ଗୁରୁତ୍ୱପୂର୍ଣ୍ଣ ସଦସ୍ୟ ହେବେ ।
